Uhulumende uthi amalungiselelo okunanza ilanga ilizwe elathola ngalo uzibuse ngoMgqibelo mhlaka 18 Mabasa, asesemaphethelweni ezigabeni zonke zelizwe njalo umongameli Robert Mugabe ubikwa ubesedilini labantwana ngoLwesihlanu, enkundleni yeCity Sports Stadium eHarare ngaphambilini kokukhuluma emkhosini wangoMgqibelo enkundleni eyeNational Sports Stadium njengenhlalayenza.
Indikimba yokuthakazalela leli langa likazibuse lonyaka ithi; “Zimbabwe at 35: Consolidating Unity, Peace, and Sovereignty,” okukhomba ukuthi eleZimbabwe lilondoloza ukubambana, ukuthula, kanye lozibuse oweminyaka engamatshumi amathathu lanhlanu edluleyo.
USithandkeile Mhlanga oweStudio Seven uxoxe lomsekeli wesikhulumeli sebandla leMDC-T, uNkosazana Thabitha Khumalo ukuze achasise ukuthi ibandla lakhe lona lithini ngomkhosi wangoMgqibelo.
Your browser doesn’t support HTML5
Ingxoxo loNkosazana Thabitha Khumalo