Amalunga ebandla leCitizens Coalition for Change ayisithupha abotshwe ngeSonto akhululwe ngumthethwandaba kamantshi eGweru ngoLwesibili engakatheswa icala kodwa oyedwa wabo uhlaquliswe imali yefayindi.
Lokhu kugcizelelwe ngumgcinisihlalo walelibandla eMidlands uMnu. Josia Makombe kungxoxo ayiqhube leStudio 7. Babotshwa bekhankasela Ilunga leCCC uMnu. Amos Chibaya oncintisa kukhetho lokudinga ozamela iMkoba edale lephalamende.
Umsekeli wesikhulumeli salelibandla uMnu. Gift Siziba uthi bayasola ukuhlukuluzwa kwamalunga abo, njalo usichasisela ngomkhankaso wabo
Your browser doesn’t support HTML5
Ingxoxo loMnu. Gift Siziba
Kusenjalo inhlanganiso yamagqwetha alwela ilungelo loluntu eyeZimbabwe Lawyers for Human Rights ithi amapholisa abophe amalunga enhlanganiso ebona ngeziphathelane lokhetho eyeZimbabwe Election Support Network alitshumi abekade efundisa abantu ngaloluhlelo eMbare eHarare. Amapholisa abikwa esithi abalitshumi laba kufanele beqale bephiwe imvumo yokuqhuba loluhlelo lugatsha lwabo lwe Police Internal Security Intelligence. Embikweni owethulwe enkundleni yebulenjini eyeTwitter, amagqwetha la athi aphathisa abalitshumi laba.