Amalunga ebandla eliphikisayo ele Mthwakazi Republic Party- MRP abesetheswa icala lokubangela umsindo ngesikhathi ikhomishini kaKgalema Montlante iphenya udaba lokudutshulwa kwabantu ngabebutho, afunyenwe elecala.
Abathathu laba, uVanet Ncube, uWelcome Moyo loMarshal Sibanda agwetshwe akhululwa emthethwandaba ngemva kokuhlawuliswa ifaindi yamadola angamakhulu amabili.
Unkosikazi Presia Ngulube ongumsekeli kaMongameli weMRP uthi ujabule kakhulu ukuthi abanye babo baphumile loba babe botshwe bengela cala belwela amalungelo abo.
‘‘Namuhlanje ngijabulile ngoba ama combrade azaphuma kodwa kubuhlungu ngoba sebehlale eKami iviki yonke bengelalo icala ngingathi ngiyavuma ukuthi batholile isigwebo sokuthi babhadale ifayindi. Kodwa ngiyazi ukuthi icala alikho bebebotshiwe bengabantu abalwela amalungelo abo bengelalo icala.’’
Umnumzana Mqondisi Ndebele ongumgcinisihlalo webandla le Mthwakazi Republic Party uthi kuyadingeke ukuthi uhulumende aphathe abantu ngokufanayo kanye lezigwebo zabantu zifane.
“Siphuma ecourt, sibe lokudana nje ekuqaliseni lapho amajaha engena kade efakwe insimbi ezinyaweni engathi ngababulali kodwa kuthe kuphuma impumela e court kwathwa kubhadalwe i fine ye $200 each, yebo siyajabula ukuthi baphumile kodwa asijabuli ukuthi yikukhululeka kwaMthwakazi ngoba lecala abalibotshelwayo asiliboni, longuye owadala umsindo ngenxa yokuthi wayengowe ZANU PF kazange athonisiswe wahamba e free. Uhulumende we Zimbambwe nxa kuyikuthi lokhe esafuna ukuthi abantu babuseke kaphathe abantu ngokufananayo lezigwebo zifane.”
Imuli yakoDabengwa ibilinde umnumzana Jacob Zuma owake waba ngumongameli wakwele South Africa ukuba azokhulumisa imuli ngemva koku khothama kwe qhawe kodwa ke kasaphumelelanga ufika lamuhla ngoba indizamtshina ibisigcwele ngakho sedlulisele phambili ukuza kwakhe.
Kuthi ke amalunga ebandla leMRP ayebotshiwe kuviki ephelileyo asephumile ngemva kokuhlawuliswa imali engange $200 ngamunye ngamunye. Abasekeli bebandla leli bathi kuyadingeka ukuthi izigwebo zifane kuzulu wonke hatshi ukuthi kukhangelwe ukuthi ungowe bandla liphi.
Your browser doesn’t support HTML5
Udaba lokukhululwa kwamalunga aweMRP siluphiwa nguBathabile Masuku