Amalunga ebandla leMRP athi batshengisele NgoLwesihlanu ngenxa yokuthi bezwa kuthiwa kulabantu abavela eHarare abaqhatshwa ukuthi bazosebenza ukuzolungisisa ihotela eye Rainbow yakoBulawayo. Umantshi wedlulisele ilanga lokuthethwa kwecala kumhlaka 8 Mbimbitho wenyanga ezayo.
Amalunga aweMRP esthengisela eRainbow Hotel koBulawayo
Umnumzana Luckson Maphosa omunye wababotshwayo uthi babotshelwe ukuyadinga umsebenzi eRainbow Hotel.
“Sabotshelwa ukuya dinga umsebenzi eRainbow Hotel,kulethwe amabhasi ayi2 avela eHarare.Thina njengabahlali bakoBulawayo, thina sithi asikufuni ngoba intsha yethu iphelele kweleSouth Afrika abanye babhema amadrugs bahlala emakoneni,u government kakunaki konke khonokhu,bayenza izinto ngenketha betshabe.Thina njengabahlali bakoBulawayo sithi asikufuni lokhu”
Amalunga aweMRP eshengisela eRainbow Hotel koBulawayo
Omunye walabo ababotshwayo umnumzana Thembisani Mpofu uthi okwenziwa nguhulumende lokhu kuyehlukanisa abantu ngoba sekungani kulabanye abantu abaqakathekiswayo kulabanye.
“Silapha e court lamuhlanje ngecala esiletheswa nguHulumende ngesizatho sokuthi sike saya Rainbow Hotel sisiyo vimba ukuqhatshwa kwabantu abavela eHarare,abathwele ngamabhasi.Le into eyenziwa nguhulumende iyasehlukanisa ,kutsho ukuthi bakhona abanye abayi first class citizen,thina asibalwa njengabantu,sikubona kuyinto yokusidelela,singahlonitshwa njengabantu bendawo.Thina silwela ukuthi kuqhatshwe abantu bendawo ngoba siyayifuna imisebenzi sihlezi emakhaya.”
Umnuzana Killion Masuku omunye wabamiswe namhlanje emthethwandaba uthi kulihlazo esizweni sikaMthwakazi ukwenzakalayo lokhu.
“Ngilapha e court, sisetheswa icala lokuba sasidinga umsebenzi eRainbow Hotel lapho okwakuqhatswa abantu abavela eHarare.So icala lethu selidluliselwe mhlaka 8 March.Into eyenziwa nguhulumende wethu siyayisola kakhulu njengoMthwakazi,ukuthi abasinanzi njengabantu phakathi kwelizwe leZimbambwe,bayasehlukanisa.Banengi abantu abangasebenziyo kodwa ke kithi kubuhlungu ukuthi kuzosebenza abantu abavela kwezinye indawo”
Umnumzana Nkosinathi Ncube, osekela ibandla le MRP ukhuthaza uzulu wakoBulawayo ukuthi aphakame azomelana lalokhu okwenziwa nguhulumende lamankampani adlelana lohulumende.
“Ngilapha e court lamuhlanje ngilande ukuzothonisiswa icala lokuba sahamba eRainbow sisiyadinga umsebenzi sathola ukuthi kulamabhasi avela eHarare ebuya labantu okumele ukuthi bazoqhatshwa kuyonaleyana ndawo, sasesikusola lokhu ngemva kokuba sesikusolile satshengisela ukuthi le into ayilunganga, sasesibona sesibotshwa ngamapholisa.So sithi bantu bakoBulawayo asiphakameni siizomelana lento leyi eyenziwa nguhulumende,siyale ayilulnganga . ”
Kwezinye indaba ebezisedale leHigh Court koBulawayo, amasotsha amane abotshelwa ukutshisa imota egarajini lakoAshy’s emzini weNkulumane akhululwe ngemva kokuvunyelwa ukubhadala imali yesibambiso seBail.
Abantu abambalwa ababotshelwa amacala okubhidliza impahla lezitolo kanye lokuthatha impahla ezitolo lokhe bevalelwe amacala ethonisiswa kuthi abanye sebegwetshiwe.