Amakholwa esi Moslem ananza inyanga yesitshiyagalo lunye kanye ngomnyaka njengenyanga yabo yokuzila ngokuzincitsha eye Ramadan.
U Sheik Abdulla Adeeni we khansili yama Moslem endaweni ye Islamic Education Centre eHarare uthi amakholwa la, amanyana lamanye emhlabeni jikelele edumisa umlimu wabo ngokuzila:
Lokhu kugoqela ukufunda ugwalo lwe Koran kusukela kukhasi lakuqala luze luyephela.
USheik Abdulla uthi lokhu kuqinisa amakholwa esiMoslem njalo kusenza ukuba benanze abanye abantu babe lothando emuntwini wonke:
Ukuzila lokhu kwenzakala kulokwanda kwabahlamuki emhlabeni jikelele ababulala abantu bethi bakwenza ngegama lalolukholo. U sheik Abdulla sikacha uthi ukholo lwakhe lukholo olukhuthaza ukuthula:
U Dokotela Munetsi Ruzivo ofundisa ezokholo e University ye Zimbabwe uthi inkinga yikuthi abantu bathatha ubudlwangudlwangu lokuganga bakuhlanganise lenkolo ukuyikuphosisa okukhulu. Uthi lezi yizigangi ezilokukhonona okuthile kodwa zibe sezisebenzisa ukholo ukuhlukuluza lokubulala abantu abangela cala.
Isilinganiso sokunye kokuthathu sama moslem emhlabeni wonke jikelele sitholakala ezwekazi le Africa lase Middle East.
AmaMoslem awe Zimbabwe akhangele isibhakabhaka ukuze ebona okuzaphuma khona inyanga entsha okulapho abazaphetha khona ukuzila kwabo kwalonyaka bebesebengena kudili le Ead lapho okudliwa khona.
U sheik Abdulla sikacha uthi bamanyana labantu bonke lalabo abangasibo bokholo lwabo njalo besenza lemisebenzi yokuphathisa abaswelayo.
Kukhangelelwa ukuba I Ramadan ingaphela ngoLwesine loba ngoLwesihlanu kusiya ngokubonakala kwenyanga esibhakabhakeni kodwa lokho kuzakwenzakale bayabe belokhe bezilile bethandaza.