Amagqwetha asebenze gadalala ukuvikela amalungelo oluntu lonyaka aphiwe imvuzo ngoLwesine yinhlanganiso yeZimbabwe Lawyers for Human Rights imanyene leZimbabwe Human Rights NGO Forum.
Abathole imivuzo le bagoqela uMnu Brian Dube, uTanaka Muganyi, Langton Mhunga, Tonderai Bhatasara, Marufu Mandevere, Kudzai Kadzere loMnu Gift Mtisi.
UMtisi utshele iStudio 7 ukuthi uyathokoza njalo uthembise ukuqhubeka elwela amalungelo kazulu.
Amagqwetha la ahlonitshwe emkhosini wokuthakazelela ilanga leHuman Rights Day.
Umsekeli wesikhulumeli seMDC-T uNkosazana Thabitha Khumalo uthi kuyadanisa ukuthi uhulumende weZanu PF uqhubeka engawahloniphi amalungelo.
"Uhulumende weZanu PF kawananzi amalungelo oluntu njalo lekomishini ekhangelane lamalungelo ayikakhanyi ukuthi yenzani," kutsho uNkosazana Khumalo.
Your browser doesn’t support HTML5
Ingxoxo loNkosazana Thabitha Khumalo