Amafutha ezimota aqhubekela phambili esilele endaweni ezitshiyeneyo zelizwe osokubangele ukuthuthuka komkambo wensitha.
Lanxa udubo lolu lubikwa selubhahile koBulawayo, kwamanye amadolobho afana le Harare lubikwa lunganeno.
Usomabhizimusi wakoBulawayo, uMnu. Albert Mhlanga, uthi umkambo wensitha yiwo owenza udubo lolu lukhanye lumemetheka.
Kwamanye amalanga udubo lokusilela kwamafutha lubikwa lusiba lubi kakhulu kodwa ngokuya kwesikhathi lube nganeno.
Omunye njalo usomabhizimusi, uMnu. Abednico Bhebhe, laye uthi udubo lokusilela kwamafutha selufike kusibanga esiphezulu.
Ingcwethi ecubungula ezomnotho welizwe, uMnu. Masimba Kuchera, uthi imbangela yokusilela kwamafutha yikusilela kwemali yakwamanye amazwe.
Ukusilela kwamafutha ezimota kuke kwafika kusibanga esikude ngomyaka ka2002 lapho abatshayeli bezimota besebelala emagalajini belinde ukuthelwa kwamafutha la.
Your browser doesn’t support HTML5
Udaba Silethulelwa Ngu Chris Gande