Amankampani ambalwa elizweni lonke awavalwa ngekhefu lekhisimusi alakho ukungavulwa kulandela ukoma komnotho welizwe.
Inhlanganiso ye Confederation of Zimbabwe Industries ithi okwakathesi kunzima ukuthi kwazakale ukuthi engaba mangaki amankampani azehluleka ukuvulwa ngoba amanye akhangelelwe ukuvulwa ngeviki ezayo.
Linhlanganiso ithi ngeviki ezayo yikho okuzakhanya sobala ukuthi ngawaphi amankampani ayehluleka ukuvula. Kodwa abanye abakhulume le Studio Seven bathi bekumele amanye amanampani avulwe kuyonale iviki ngoMvulo kodwa elokhu evaliwe.
Omuney usomabhizimusi, uMnu. Albert Mhlanga, oyisiphathamandla sebandla le People’s Democratic Party, utshele iStudio Seven ukuthi akhona amankampani avulileyo kodwa kungelazisbenzi ngoba imali yokuzibhadala ingekho.
"Lo umnyaka kuzakubanzima kuzulu we Zimbabwe ngoba amafekitali amanengi wonalawa kade ekhokhelwa ngabelungu angabe evulile umnyango kodwa phakathi akulazisebenzi. Lokhu kutsho ukuthi akula production ezabe isenziwa into ezinengi ziyabe zisuka khonale eSouth Africa" kutsho uMhlanga.
Uthi lumnyaka amankampani amanengi ahle abhazalala avalawa umnyaka usiyaphela ngekhefu lekhisimusi.
Wengezelele esithi imitshina kayisekho, imali emabhanga kayisabolekwa njalo balezikwelede ezikhulu kakhulu ku ZIMRA okuzabangela ukuthi bengenelisi ukuqhubeka bekubhizimusi.
"Kuyekuthi izisebenzi ezinye zilama seven months zingaholi okuzakwenza ukuthi zingabuyeli emsebenzini ukuthi ziyesebenza zingaholanga okomnyaka ophelileyo," kutsho uMhlanga.
UMhlanga uthi manengi kakhulu amankampani angasoze evule kodwa lokhu kuzakhanya sobala ngemva kweviki ezayo lalapho kusiyafika inyanga ezayo.
Uthi lapho okwakungamafekitali sekuzindawo okuthandazelwa khona. Uthi: "Ungakhangela lapho esikhona eBelmont sekulabo Magaya, sekulabo Bothwell Phiri. Lokhu kutshengisa ukuthi awasoze avulwe amafekitali la ngoba abafundisi sebewathengile."