Uhulumende ukhangelelwe ukuba uzanika ibandla leZanu PF lele MDC-T, ekhokhelwa nguMnu. Douglas Mwonzora, izigidi ezingamakhulu amahlanu zamadola eZimbabwe – ZW$500 million eyabelwa phansi komthetho wePolitical Parties (Finance) Act.
UMnu. Ziyambi Ziyambi, umphathintambo obona ngezemithetho, owethule umbiko lo kugwalo lweGazettee, uthi ibandla leZanu PF lizathola imali edlula izigidi ezingamakhulu amathathu zamadola– ZW$350 million kuthi eleMDC lizanikwa izigidi ezedlula ikhulu lama dollar – 150 million.
Imali le yabiwa ngokuthi ibandla lithola inani lamavoti anganani edale lephalamende ngesikhathi sokhetho.
Amacele amabili awebandla leMDC-T aselwisana ngemali le.
UMnu. Witness Dube, obona ngokwethulwa kwemibiko kubandla leMDC-T, umsakazo weStudio 7 ukuthi bazayithatha yonke imali le njengoba basebenzisa umanyano weMDC Alliance kukhetho olwenziwa ngomnyaka ka2018.
Kodwa uMnu. Ntando Ndlovu, umcebisi kaNkosazana Thokozani Khupe, uthi kumele amacele la abelane imali le ngoba uMaKhupe wabika ngoLwesihlanu ngeviki ephelileyo ukuba sekulamacela amabili awebandla leMDC-T kulandela ukuzixotshisa kuka Mwonzora ngokudlelana kwakhe leMDC Alliance.