Ukuwa kwesisindo seRand leSouth Africa sokutshiye amabhizimusi amanengi elizweni esadalala njalo abanye osomabhizimusi bemaphandleni bathi akula nzuzo abayitholayo.
Bathi okubabulalayo kakhulu yikuthi lanxa bethengisa impahla yabo ngamaRand, nxa sebesiyawoda abamaWholesale bayabe befuna idollar leMelika.
Amabhisimusi amanengi emadolobheni kasemukeli iRand, njalo usibalukhulu webhanga elikhulu lelizwe uMnu John Mangudya uthi uyabasekela ngoba imali yeSouth Africa iqhubeka isiwa amandla.
Omunye wabaninibhizimusi abakhalayo uNkosikazi Nhlanhla Sikhunyane yena olesitolo koMangubo.
"Siyawoda thina, kufuneka idollar. Kodwa nxa sesizothengisa lapha ezitolo abantu bathenga ngamaRand. So lawe ukuthi uthengise ngentengo ephezulu, abantu kabenelisi ukuthenga," kutsho uNkosikazi Sikhunyane.
Your browser doesn’t support HTML5
Ingxoxo loNkosikazi Nhlanhla Sikhunyane