Abamabhanga beZimbabwe bagqibe umhlangano wabo labaninibhizimusi amancane laphakathi laphakathi wamalanga amabili eHarare ngoLwesihlanu.
Umhlangano wabamabhanga labaphatheka emisebenzini yemali lokuthengiselana wamalanga amabili uphele eHarare ngoLwesihlanu amalunga amabhanga atshiyeneyo bethatha lelithuba ukuhlangana labosomabhizimusi amancane laphakathi laphakathi abalombukiso ophela ngoMgqibelo ehoteleni ye Rainbow Towers.
Unkosikazi Florence Khumalo umninibhizimusi osebenza ngaphansi kwe Zimbabwe Women s Bureau uthi amabhizimusi anje abhekan lodubo lokusilela kosekelo lwemali.
Unkosikazi Chido Getrude Runesu webhizimusi le Hermpac elilemitshina etshiyeneyo njalo lithunga ama uniform ezikolo uthi kulenkinga yokusilela kosekelo lwemali kumabhanga olungabenza ukuba bethuthuke ethi indleko ezalwa yizikhwelede iphezulu kakhulu njalo abe ZIMRA bebaphangisela ukuthi bebhadale imithelo bona besacathula.
Unkosikazi Progress Chitongo wenhlangabniso ethengisa imitshina ehlola umumo wama engine ezimota uthi ukusilela kwemali kucina kubehlisela phansi bethengisa insimbi ezinlutshwana kulabakufisayo ngoba bengenelisi ukuyazithenga zikhathi zonke santando ngaphandle kwelizwe.
Umbukiso lo ungenwa ngabamabhizimusi amancane laphakathi la phakathi ulosekelo lukahulumende njalo inengi lababukisayo lonyaka ngamabhizimusi amancane laphakathi laphakathi avela kwele Iran eseluthathele phezulu etshengisa izinto ezifana lama khekhe, ipende, izicathulo, iziwitsi, ukudla kwabantwana lokunye.
Amabhizimusi eZimbabwe wona abukisa izinto ezifana loluju, izigcoko lamalembu amabhathiki, ama hewu le dhobi njalo uphela ngoMgqibelo.
Uhulumende ukhuthaza ukuthuthukiswa kwamabhizimusi anje njengendlela yokuthuthukisa umnotho welizwe.