Abantu makhaza sebeqalisile ukuthola izikwelede emabhanga eZimbabwe ukwenzela ukuthi bayekukhefu kumbe benelise ukubhadalela indleko yama School fees kanye lemithelo enjenge kagetsi lamanzi.
Abaqondisi bamabhanga atshiyeneyo leziphathamandla zawo bathi izikwelede lezi ziphiwa abantu abasebenzayo njalo abalamabhuku okulondoloza imali kulawo mabhanga.
Umuntu ngamunye ulakho ukuthola imali elingene leholo lakhe liphindwe kabili.
Imali le ibhadalwa phakathi kwenyanga eziyisithupha kumbe umnyaka.
Izikwelede lezi zibiselwa zibelethe umthelo ongaba yisilinganiso phose sokungamatshumi amathathu ekhulwini.
Amabhanga anika lezizikwelede nganjenge Zimbabwe Banking Corporation, Commercial Bank of Zimbabwe, Metropolitian Bank kanye le Standard Chartered Bank.
Umnu. Charles Moyo omunye wabasebenza emabhanga anika uzulu izikwelede utshele iStudio 7 ukuthi izikwelede lezi ziyanceda okwamagama.
