Inkokheli ye Southern African Development Community (SADC) elamabandla abusayo alwisana labamhlophe ukwenzela ukuthola uzibuse isiphinde njalo yathi kumele amazwe entshonalanga akhiphe izijeziso zenotho ezefakelwa uMongameli Robert Mugabe labanye bakhe abakubandla le ZANU PF.
Inkokheli le ekade inhlangene kwele Namibia imele amabandla anjenge ZANU PF, iAfrican National Congress ye South Africa, Popular Movement for the Liberation of Angola (MPLA) ye Angola, United Independence Party ye Zambia, South West African People’s Organization (SWAPO) yakulelo lizwe leFront for the Liberation of Mozambique (FRELIMO) ye Mozambique yethule isinqumo sokuthi uzulu eZimbabwe uthwele nzima ngezijeziso lezi.
Ingcwethi kwezombusazwe zithi loba amabandla la angaze ahlabe umkhosi ngalokhu, amazwe entshonalanga angeke akhiphe izijeziso lezi ezafakelwe uMongameli Mugabe labanye bakhe hatshi uzulu.
Eyinye yalezi ngcwethi uMnu. Nkululeko Sibanda uthi amazwe entshonalanga kawasoze akhathazwe ngokukhulunywa ngamabandla la.
