Amanye amabandla aphikisayo athi okwamanje ahlolisisa angekwenza ngokhetho lwama by-elections oluzaqhutshwa ngoMbimbitho lonyaka.
Kulamanye aselunguselele ukungena kukhetho lolu kulandela ukwethulwe nguMongameli Emmerson Mnangagwa othi ukhetho lolu ngolokudinga abazamela indawo ezitshiyeneyo edale lephalamende kulandela ukuxotshiswa edale leli kwamalunga ebandla leMDC Alliance libandla leMDC-T elikhokhelwa nguMnu. Douglas Mwonzora.
UMnu. Mqondisi Moyo, okhokhela ibandla leMthwakazi Republic Party, uthi basahlolisisa abangakwenza ngokhetho lolu.
UMoyo uthi ibandla leMthwakazi Republic Party lingathatha isinqumo sokuncintisa kukhetho lolu, lizadinga abazamela indawo ezitshiyeyo abasezabelweni zeMatabeleland leNkabazwe.
Ibandla leMDC Alliance lalo lithi lisahlolisisa elingakwenza kukhetho oluzayo. EleMDC-T lona lithi selilungiselele ukuncintisa kukhetho lwama by-elections. UMnu. Witness Dube, okuhlangothi olubona ngokwethulwa lwezemibiko kubandla leli, uthi sebelumelele ukhetho lolu.
Okunye okwadala izikhexe edale lephalamende yikubhubha kwamalunga edale leli. Ibandla leZanu PF lithi lizanqoba kukhetho lwama by-elections njengenhlalayenza.
Your browser doesn’t support HTML5
Inkokheli Yebandla leMthwakazi Republic Party Isahlolisisa Ukhetho Lwama By-elections