Amabandla ezombusazwe athi ayamukela ngenjalo uhlelo olutsha olokuvota olwe biometrics. Loluhlelo ngolunye lwezikhalazo zamabandla ezombusazwe athi kumele lwenziwe ukuze angene kukhetho ngoba inhelo ezikhona kathesi zilakho ukubangela ukuqilibezela.
Ibandla leMDC-T lithi lanxa lisemukela lelinyathelo lifuna kuguqulwe yonke indlela ekhthwa ngayo ukuze kube lokhetho oluzemukelwa nguye wonke umuntu.
Embikweni owethulwe namhla yilelibandla lithi: “Okumangalisayo yikuthi kulabantu abazinkulungwane ezingamakhulu ayithoba minwe mibili okuthiwa balobisa ngomnyaka odluleyo njalo inengi labantu laba ngabasendaweni lapho okuke kwaba lokhetho lwama by elections.”
Lelibandla lengezelele lathi okunye okungaliphathi kahle yikuthi uMsitheli, uMnu. Tobaiwa Mudede nguye olokhu ekhokhela udaba lokulobisa amagama abantu abalelungelo lokuvota.
Sixoxe lesiphathamandla sebandla leMDC ekhokhelwa nguMnu. Welshman Ncube, uNkosazana Ellen Shiriyedenga ukuze sizwe ukuthi kanti vele loluhlelo luyini?
Uthi loluhlelo ngolokusebenzisa impawu zeminwe, ama fingerprints njengendlela yokwazi ukuthi usuvotile na kumbe hatshi. Njalo uthi kuyasetshenziswa lamehlo lapho okufakwa khona amapikitsha amehlo ukuze kwazakale ukuthi usuvotile na kumbe hatshi ngokukhangela amehlo akho ngomtshina.
Ephendula ukuthi imali ingatholakala na uShiriyedenga uthe: “Imali kumele itholakale ngoba banengi abafuna ukuncedisa iZimbabwe. Sike sahlangana le United Nations layo iyathakazelela ukuthi kwenziwe loluhlelo. Nxa eKenya lase Namibia bekwenza thina singehlulwa kuyini?”
Your browser doesn’t support HTML5
Ingxoxo loNkosazana Ellen Shiriyedenga