Kukhangelelwe ukuba lokufuthelana emhlanganweni weZanu PF Politburo ngoLwesine lapho lelibandla elizakhuluma khona ngokulwisana phakathi kwecele elikhokhelwa nguNkosikazi Joyce Mujuru lelikhokhelwa nguMnu Emmerson Mnangagwa.
Icele likaNkosikazi Mujuru likhangelelwe ukukhonona ngokuhlambazwa kukaMujuru nguNkosikazi Grace Mugabe emethesa icala lokungethembeki esithi ujonge ukugenqula uMugabe embusweni.
Ukulwisana phakathi kwamacele lawa sokufike kuzinga elibi lapho lelibandla lilungiselela umhlangano walo weCongress, njalo sokudabule phakathi babengabalweli bempi yenkululeko abangamalunga alelibandla.
Ababengabalweni bempi yenkululeko njalo bekhokhelwa lilunga ledale lephalamende uMnu Joseph Chinotimba bazakwethekelela uNkosikazi Mugabe eMazowe ngoLwesine.
Iphephandaba leHerald elikhanya lisekela uhlangothi lukaMnangagwa, lisola umkhokheli wabalwa impi yenkululeko laba uMnu Jabulani Sibanda lisithi kathakazeleli uNkosikazi Mugabe, okutsho ukuthi ukuhlangothi lukaMujuru.
Lithi lasemhlanganweni wakusasa loNkosikazi Mugabe eMazowe uSibanda kasoze abe khona. Le yimbiko ethulwe njalo ngabanye bakaChinotimba.
Asenelisanga ukukhukuluma loMnu Sibanda. Kodwa ukuhlaziya ukulwisana kubandla leZanu PF sixhume owalwa impi yenkululeko ekuvuyo leZipra uMnu Max Mkandla.
Your browser doesn’t support HTML5
Ingxoxo loMnu Max Mnkandla