Akwaziwa Ukuba Uhulumende Omutsha eSouth Africa Uzaphatha Njani Abadabuka eZimbabwe

WASHINGTON —

Sokubunjwe uhulumende omutsha kwele South Africa kungaziwa ukuba bazaphathwa njani abadabuka eZimbabwe abakulelolizwe.

Ibandla leAfrican National Congress (ANC) libambisane lele Democratic Alliance, Inkatha Freedom Party kanye lePatriotic Alliance ekubumbeni uhulumende okhokhelwa nguMongameli Cyril Ramaphosa, okhethwe lidale lephalamende ngoLwesihlanu.

Umsekeli wakhe ngowebandla leDemocratic Alliance.

Lehluleka ibandla leANC ukuthola amavoti kukhetho olusanda kuqhutshwa eneleyo okubumba uhulumende lizimele.

Abadabuka eZimbabwe abahlala kwele South Africa bathi akwaziwa okuzakwenzakala kusiyafika olunye ukhetho.

Ukuze sihlaziye udaba lolu, sixoxe loMnu. Fortune Mlalazi ingcwethi kwezombusazwe ezimeleyo othi ibandla lePatriotic Alliance lifisa ukuba kuxotshwe bonke abadabuka kwamanye amazwe abangelamaphepha aqondileyo okuhlala kwele South Africa.

Kodwa uMlalazi uthi ibandla leli alibuzanga elangeni ngoba okwenziwa nguhulumende kumele kuphathwe ngamalunga edale leziphathamandla zikahulumende kungakethulelwa uzulu okumele kwenziwe.

SEE ALSO: