Inhlanganiso emela abamabhizimusi elizweni, i Confederation of Zimbabwe Industries (CZI) isicebise umphathintambo wezemali uMnumzana Tendai Biti ukuthi emukele iRand le South Africa libe yiyo yodwa imali ezasetshenziswa kusekela ngo Zibandla 2010.
I CZI ithi amabhizimusi athwele nzima ngokusebenzisa imali ezitshiyeneyo ezigoqela idollar le Melika, iRand le South Sfrica kanye le Pula le Botswana.
Inhlanganiso le ithi njengoba uBiti ezakwethula uluhlu lokusetshenziswa kwemali nguhulumende (ibudget) ngolweSithathu, kumele athathe lesisinqumo ukwenzela ukuthi kuqedwe ingxabangxoza ekhona phezu kokusetshenziswa kwemali ezitshiyeneyo .
Kodwa ingcwethi ecubungula ezenotho uMnu Michael Bathandi Mpofu utshele uGibbs Dube weStudio 7 ukuthi kuzakubanzima ukusebenzisa i Rand lilodwa ngoba lingasetshenziswa kwamanye amazwe. Ngalokhu, uMpofu uthi kumele kusetshenziswe idollar le Melika kuphela.