WASHINGTON DC —
Indawo ezinengi lapho uzulu athola khona imali ethunyezwa uyizizalwane ziZimbabwe ezihlala kwamanye amazwe seziphelelwe yimali.
Abantu abanengi akade bedinga imali eMoneygram leWestern Union bathi sebetshelwa ukuthi akula mali endaweni lezi.
Omunye walabo abehluleke ukuthola imali nguMnu. Belekezela Maduma weGwanda othe wehluleke lamuhla ukuthatha i$200 ayithumezelwa yisihlobo.
“Ngihambe ebhanga bangitshela ukuthi akuselamali. Banengi abantu ababhekane lodaba olufanayo lapha eGwanda. Akula mali.”
Abanye njalo esikhululume labo eHarare lako Bulawayo bathe bakhangelane lidaba olufanayo.
Sizalinika udaba lolu ngokugcweleyo ngoLwesithathu.