Umqoqi wenhlelo zenhlanganiso ye-United Nations eZimbabwe, uMnu. Edward Kallon, uthi inhlanganiso ezilwela amalungelo oluntu akumelanga zikhangelwe njengezitha.
UKallon wethule umbiko lo namuhla emhlanganweni awuqhube lenhlanganiso ezizimeleyo phansi kohlelo oluhlaziya ilungelo loluntu olumayelana le-Universal Peer Review on Human Rights.
Kulezinqondiso ezifika phose ikhulu lamatshumi ayisikhombisa – 168 okumele zilandelwe emhlabeni wonke jikelele ukuze kunganciphiswa inkululeko kazulu.
UKallon uqhube umhlangano lo ngesikhathi eleZimbabwe lizama ukubumba umthetho olakho ukuvalisa ezinye inhlanganiso ezizimeleyo owePrivate Voluntary Organizations Amendment Bill, ohlolisiswa okwamanje lidale lephalamende.
Kulokudonselana ngokumele kwenziwe ngomthetho lo owaphoselwa kuzulu waxabanisa abantu okumangalisayo.
Umphathintambo wezemithetho, uMnu. Ziyambi Ziyambi, uthi i-PVO Amendment Bill iqakathekile njalo izamisa ukusetshenziswa kwenhlanganiso lezi ukungenisa elizweni imali eyokuzama ukugenqula uhulumende. Ukuhlaziya loludaba sixoxe lonobhala jikelele wenhlanganiso elwela amalungelo oluntu eye-Ibhetshu likazulu, uMnu. Mbuso Fuzwayo.
SEE ALSO: Ingxoxo loMnu Mbuso Fuzwayo.