Inhlanganiso ebona ngokulondolozwa kwezinyamazana zasendle lezihlahla lokunye ofufanayo ithi iZimbabwe ikhangelelwe ukuthi izasebenzisa imithetho yayo ekulungiseni udaba lokubulawa kwesilwane esasiloduma esasibizwa ngokuthi nguCecil.
UMnu. John Scanlon, usibalukhulu weConvention on International Trade in Endangered Species – iCITES – uthi akulamithetho kunhlanganiso le engayisebenzisa ukuthi kubotshwe isizalwane seMelika, uMnu. Walter Palmer, owabulala isilwane lesi ngomutshoko lesibhamu.
UScanlon uthi izilwane ezinjengo Cecil kazikacatshangelwe ukuthi zingaphela dhu emahlathini kuzwekazi leAfrica njengoba kulemigoqo emangalisayo enqabela ukuthi zizingelwe njalo kuthengiswe izitho zazo.
UScanlon uthi kungaba labanye abantu abakunhlanganiso le abazazama ukuthi izilwane zingabulawa ngesikhathi somhlangano weCITES ozakwenziwa ngomnyaka ozayo kwele South Africa.
Umzingeli weZimbabwe, uMnu. Raphael Ndlovu, uthi kuvimbelwe ngendlela ezitshiyeneyo ukuzingela izilwane eZimbabwe.
Your browser doesn’t support HTML5
Ingxoxo Esiyenze LoMnu. Raphael Ndlovu