Amalunga ebandla leMDC Alliance alitshumi lambili abotshwe ngoMgqibelo eChinhoyi akhululwe ngenkulungwane ezinhlanu zamadola esibambiso ngamunye, i$5,000 yebail, yinkantolo kamantshi ngoMvulo.
Abasolwa betheswe icala lokubuthana ngokungekho emthethweni besephula iziqondiso zokuvikela ukumemetheka komkhuhlane weCoronavirus.
Umantshi uthe kumele baphindele emthethwandaba mhlaka 12 ngenyanga ezayo lapho okuzathethwa khona icala labo.
Umsekeli wesikhulumeli salelibandla uMnu Felix Magalela Mafa Sibanda usole ukubotshwa kwmalunga abo la esithi ebebuthene elungiselela umngcwabo womunye wawo.
UMafa wengeze wathi imibuthano engavunyelwayo ngelabantu ebedlula amatshumi amathathu, hatshi eyabantu abalitshumi lambili kuphela.
Your browser doesn’t support HTML5
Ingxoxo loMnu Felix Magalela Mafa Sibanda