Iqembu leZimbabwe Warriors lingqikilana lele Senegal kusasa eCameroon kusibaya seGroup B emdlalweni wenkezo enkulu eyeAfrica Cup of Nations loba kungaqedakali okwenzakala phakathi kwenhlanganiso yeZIFA leSports Commission.
IKhomishini le ithi yaxotsha inkokheli yeZIFA ngenxa yobukhohlakali kodwa iFIFA ithi kumele uFelton Kamambo, okhokhela iZIFA labanye bakhe, babiselwe ezikhundleni.
Loba kunjalo, ingcwethi zemidlalo zithi eleZimbabwe lizaqhugezela emidlalweni le lapho elizangqikilana kuGroup B lamanye njalo amaqembu - eleMalawi lele Guinea.
Ingcwethi kwezemidlalo yenguqu, uThandazani Zimbwa, uthi ufisela abadabuka eZimbabwe inhlanhla emidlalweni yeAFCON.
Uthi okuhluphayo yikuthi abadlali abakuqembu leli kanalungiselelanga kahle imidlalo yeAfrica Cup of Nations.
Your browser doesn’t support HTML5
Lizadlala Njani Iqembu leZimbabwe Warriors Lele Senegal Kunkezo yeAfrica Cup of Nations?