Uhulumende weZimbabwe uphambule abongi abalitshumi lambili ebasusa esibhedlela seUnited Bulawayo Hospitals ukuba bayesebenzela eThorngroove Isolation Ward, elaliswa ababanjwe yiCovid 19.
Lokhu kwenziwa emizameni yokuqeda udubo lokusilela kwabongi emakilinika lesibhedlela seKhansili yakoBulawayo ngesikhathi iZimbabwe izama ngamandla wonke ukumelana lokumemetheka kweCovid-19 ezweni.
Ubhubhano lweCovid-19 luqhubekela phambili luhlasela ngolaka ezweni lemhlabeni jikelele osekubangele ukuba uhulumende weZimbabwe athathe amanye amanyathelo anjengokusa abongi ukuba bayencedisa kwezinye indawo abakade bengasebenzeli khona.
Umqondisi wezempilakahle kukhansili yakoBulawayo, uDokotela Edwin Sibanda uchasisa kabanzi ngenyathela leli.
“Uzakhumbula ukuthi isibhedla lesi uma usugcine abantu abaku oxygen kutsho ukuthi uNurse akusamelanga abatshiye isikhatshana sekusitsho ukuthi uNurse sekumele ahlalele eduze. AmaNurse ebesilawo beliphansi sicelile sakhala kuhulumende wasizwa wasilalela usuphile abalitshumi lambili abasuka eUBH bafikile lamhlanje.”
Udokotela Sibanda uqhubeke echasisa ukuba abongi laba bazasebenza njani.
“Kutsho ukuthi kusukela lamhlanje sizaqala ukubafundisa ngomkhuhlane weCovid-19 ukuthi welatshwa njani lapha esibhedlela. Abanye babo sesizabafaka kuqembu leCovid-19 Rapid Respose Team abantu abakade bekhala ngabo lathi sisithi silabantu abaliutshwane nxa besenela abanye bazakuyakhangela abantu abagula icovid-19 okwakhathesi silabantu ababili abalalisiweyo eThorngroove lsolation Ward njalo abakho esimeni esifuna ioxygen njalo nje.”
Olwela amalungelo oluntu, unobhala jikelele wenhlanganiso elwela amalungelo oluntu uMnu. Mbuso Fuzwayo, upha umbono wakhe ngaleli nyathela.
“Ukuthumela amaNurse ayi12 ukuba bayekhangela izigulane eThorngroove abeneli ngoba ishift ifuna abantu abangaki.Kusthengisa ukuba abantu abagulayo abaphathwa kuhle kutshengisa ukuba uhulumende akekho prepared ukumelana lodubo lweCovid.”
Izakhamizi zakoBulawayo lezakwamanye amadolobho zikhala ngokuthi amakhansili kanye lohulumende ngokwakhe kabathathi manyathelo eneleyo okuzitholisa uncedo lolwazi olweneleyo ngokuzivikela kulumkhuhlane.
Kodwa uhulumende ngakwelakhe icele uthi uzama ngazo zonke indlela ukuphuma lenhlelo zokuvikela uzulu ukuthelelana lula lumkhuhlane okugoqela ukuphuma leziqondiso ezinjengeCovid 19 Lockdown. K
unje ilizwe selikuhlandla lesithathu lalawa maLockdown, lokhu leligcikwane langenayo eZimbabwe ngoMbimbitho nyakenye.
Your browser doesn’t support HTML5
Udaba lwabongi abasiwe esibhedlela seThorngrove siluphiwa nguAnnahstacia Ndlovu