Inhlanganiso ebona ngezehlakalo zokuhlukuluzwa eye Zimbabwe Peace Project, ithi inani lokuhlukuluzwa ngenxa yendaba zombusazwe seliqansile phambilini kokhetho lwama by elections oluzakwenziwa ngenyanga ezayo kaNhlangula mhlaka 10.
Linhlanganiso ithi lanxa lolukhetho luzakwenziwa ezigabeni ezilitshumi lane ezibalisa ko Bulawayo, Tsholotsho, Harare lase Zibagwe kukhanya esigabeni se Hurungwe West yikho okulodlame olukhulu lapho okuzancintisa khona uMnu. Temba Mliswa owaxotshwa kubandla leli.
Iqhubeke ithi kwezinye izigaba kulembiko yokuhlukuluzwa lokubanjwa ngamandla kwabantu ukuthi bavotele ibandla le Zanu PF.
UChris Gande weStudio Seven uxoxe lomqondisi wenhlanganiso ye ZPP, uNkosazana Jestina Mukoko ochasisa kabanzi ngaloludaba lodlakela.
Your browser doesn’t support HTML5
Ingxoxo loNkosazana Jestina Mukoko