Amabandla ezokholo lwesiKrestu akoBulawayo abecula ethandaza ehlanganela lemuli yakoDabengwa emzini wakhe kanye lokubonga uSomandla ngesikhathi umuyi esemhlabeni lapho asebenza gadalala ukulwela inkululeko yesizwe.
Inkokheli zamabandla la zincome kakhulu umsebenzi owenziwa ngumuyi isithi akulahlekelwanga imuli kuphela kodwa ilizwe lonke. Okufakazwe ngeyinye yale nkokheli uMnumzana Baster Magwizi.
“Lamhlanje sihlangane lapha emzini wakoBaba uDabengwa
ositshiyileyo ekupheleni kweviki yonale edlulileyo. Kusuku
lwanamhlanje kuhlangana abafundisi abathe bazanikeza
umhlangano omkhulu, ngoba abafundisi ngabantu
bakaNkulunkulu abaze ukuzesiduduza enhlungwini esilazo
ngokulahlekelwa liqhawe lelizwe uSupremo uGeneral Dabengwa”
UReverend Kenneth Mutata unobhala wenhlanganiso yeZimbabwe
Council of Churches uthi kungaba yikuphambanisa ukuthi umuntu athi uDabengwa wayengowasigaba esithile.
“Sizalapha njengamabandla ukuthi siduduzana, okwesibili ukuthi
sicelebrate impilo enkulu kakhulu. Ubaba uDabengwa was bigger
than life, akwenzi ukuthi umuntu athi angakhuluma ngaye
njengomuntu owendawo eyodwa, kodwa ngumuntu owayesaziwa
umhlaba wonke uCelebrethwa impilo yakhe all over the world.
Sithi yiwuphi umsebenzi ayewufuna kakhulu, wayefuna ukuthi
ilizwe lipkhululeke okugcweleyo”
UMfundisi Andria Sibindi owebandla leBrethren in Christ Church ufakaze ngokuzinikela kukaBaba uDabengwa ukusebenzela umpakathi.
“Size lapha njengamabandla ukuzoduduza imuli yako baba
uDabengwa esikutshoyo lesikuphakamisayo sithi sikhala Kanye
labo njalo futhi ababekwazi ukuthi sonke lapha ubaba afike khona
ukudlula emhlabeni sonke sizafika ngitsho futhi lakumuli
lakucommunity yako Bulawayo yaselizweni lonke ukuthi lapha
ubaba uDabengwa afike khona sonke sizafika khona as long
uJesu engaka fiki okumqoka okuqakathekileyo lokuqakathekileyo
sizilungiselele ubudlelwano loNkulunkulu”
UMfundisi Sinjoki owebandla lePraise and Worship Center ufakaza ngezifiso zikamuyi njengoba babevame ukuxoxa njengabomakhelwane.
Ngingumakhelwane kababa uDabengwa besihlangana ekuseni
ethatha ama walks elonkosikazi wakhe besesihlangana
emgwaqweni kodwa phezu kwalokho kuzabalama elections last
year ngikengaba lomhlangano laye singu 2 sakhuluma nje
ngezifiso zakhe ukuthi ufuna ukubona iZimbabwe ibambene
lokufisa kwakhe ukuthi ufuna iZimbabwe iphumelele njani
sathandaza sonke ibiyindoda ehlonipha kakhulu ihlonipha
lamabandla atshiyeneyo lokukholwa kwabantu abatshiyeneyo so
hayi ubengumuntu engimazela eduze kakhulu ubaba uDabengwa”
UMnunzana Charles Nyathi umqondisi wohlelo lomngcwabo uthi
ngoLwesihlanu abantu bazabuthana eWhite City bevalelisa iqhawe.
‘Amalungiselelo omngcwabo awatshintshanga lokhe
enjalo,ngoLwesihlanu kule memorial service eWhite City,kuqala
ngo 9 kuyephela ngo 5 ngemva kwemini.Kodwa amagedi avulwa
ngo 8,amabhasi azathatha abantu eCity Hall abahambise khonale
eWhite City.Kodwa ngoMgqibelo ekuseni izimota zikhangelelwe
ukuthi zibe sendleleni ngo 8 ngoba umgcwabo uzaqala ngo
9,sikhangelele ukuphutsha ngo 12.”
Inkokheli yamabandla ezokholo zihlangene lamuhla zihlose ukuzokuma lemuli ziyiduduza ngalokhu okubehleleyo. Bakhuthaze imuli ukuba izifiso zikababa uDabengwa kumele sifezwe, ikakhulu ukubona abantu
bebambene njalo belokukhululeka okugcweleyo. Uzulu unxusiwe
ukuba aze ngoLwesihlanu eWhite City ukuzovalelisa iqhawe
lesizwe