Kulabantu abanengi eZimbabwe abathi balandela ukhetho lweMelika.
UMnu. Mluleki Moyo ngomunye wabalandela ukhetho lolu.
"Sofike ke esigabeni esilukhuni lapha abantu asebe ngaselaqiniso khona ukuthi luzaphuma kanjani kodwa khona masesikhangela uKamala Harris ulethuba elihle elokunqoba uhlupho olukhona ngale ubaba uTrump yiyi yonaleyana into yakhe esiyaziyo yobandlululo abamsekelayo bebanga umsindo yibo laba abalenketha betshabi.”
UNkosazana uBeverly Mpofu usekela uNkosikazi Kamala Harris oncintisana kukhetho lukamgameli lowayengumongameli uMnu. Donald Trump.
"Esikukhangeleleyo kuma elections eMelika yikuthi kuthole umuntu owesifazana ukuthi abangu President ngoba ngesikhathi kubusa Obama laphana America yayinhle kakhulu njalo lecrime inga reducer nxa kungangena umuntu wesimami."
UNkosikazi Fiso Ncube laye uhamba loNkosikazi Harris.
"Thina njenga bomama siyathaba ukubona omama besimela ngifisa kuwine umuntu wesifazana amele abo mama sifuna kuwine umuntu ongumama ngoba lathi sifuna
Kulabanye abachothoza ukhetho lweMelika. Umsekeli webandla leZanu-PF, uNkosikazi Lwazi Mbowa, uthi ukhetho lweMelika alukhululekanga.
"Ukhetho lwe America into emangalisayo yikuthi abantu bangale bayathanda ukungenela izindaba zethu lapha Africa ufice lanxa sisenza izinto zethu sixegisile ufice sebe buya bengenela sebebhuza njenge mpukane khathesi nanko oTrump kanti bayenzani Sibanda? Kodwa akulunywa kuthule kuthe zwi akula muntu obangenelayo futhi kuyithi abana sebengenele sokuthwa hayi bahle bangene through opposition sebefuna ukuthi bebulale yonkinto bephambanise ilizwe leli kodwa bona nampana asiboneni siboneni ukuthi bazayenza njani sibakhangele but akula za free and fair laphana."
UMnu. Prince Zwide Khumalo othakazelela ezomdabu uthi ubona engani ibandla lama Democrats linganqoba kukhetho lolu.
"Ama American mina kodwa ngokuzalwa kwami am Zimbabwean kodwa ngokubona kwami mbone ngani ama Democrats azaphumelela ama republicans asoze phumelele ngoba akhokhelwe ngu Trump and uTrump wehluleka ebusa and amboni ukuthi kuyini okutsha angakupha abantu beAmerica okwakhathesi."
Bakhona njalo abathi uTrump nguye okumele akhokhele eleMelika. Umsekeli kaMayor wakoBulawayo ukhansila Edwin Ndlovu uyakusekela lokhu.
"Sikhangelele ukuthi ukhetho lokuqala likhululeke imelika yiyo ekhangelele kakhulu kweze democracy so sifisa ukhetho lwabo likhululeko ikanti lebandla elizawina sikhangelele ibandla eliza promoter democracy umhlaba wonke hatshi ibandla elizaletha impi umhlaba wonke ngoba singakhangela ukuthi kulempi which is hanging eRussia labo Ukraine sikhangele njalo Middle east labo Israel so sifuna umuntu ozathi nxa sewinile lebandla eMelika lakhe abe ngumuntu ozakhuluma ngokuthula alethe laba abalwayo etafuleni kukhulunyiswane kumiswe izimpi kodwa kuqubekele phambili.
Abahlaziyo ezombusazwe lokuhlola ukhetho bathi usekelo luka Nkosikazi Harris loTrump eMelika lungutshiki lobhanqa ezabelweni ezinengi.