Izizalwane zeZimbabwe zihlaba omkhulu umkhosi ngokuphua kokuphuma kwengwalo zokuhambisa ezama passports. Lokhu kubikwa kubangelwa yikuswelakala kwephepha lokudindela lezi ngwalo. Kuthi lalezo okumele ziphume ngokuphuthuma phakathi kosuku olulodwa kusiya kwezintathu zesimisiwe ukubhaliswa ngoba abehofisini kaRegistrar General bengesenelisi ukuzikhipha ngesikhathi.
Ukuphuza kokuphuma kwengwalo lezi sekusuke kwahlangana lesimo somnotho welizwe lesombusazwe esingasamanga kuhle, osokwenza abantu bathandabuze ukuba ngeqiniso yikuswelakala kwephepha kumbe yingabomo.
Umnumzana Ndaba Zulu uthi nxa amapassport engasaphumi kuzaba nzima kuye ngoba ephila ngokuthenga ethengisa imphahla zakwamanye amazwe.
“Kuyangidanisa kakhulu, ngoba kusukela ngomnyaka phelileyo ngi applier for i passport lokhe lakhathesi ngingakayitholi, nxa sibuya khonapho basitshela ukuthi ayabuya,ayabuya kusalungiswa.Thina njengabantu abasebenza lapha siyabe sihamba sisiyadinga izinto zokuthi sikwaniswe ukuthi sithengise siphile,kodwa nxa sesingela la maphepha kuyasinzimela kakhulu, njalo asisakwazi ukuthi sizakwenza njani. Ngabe uhulumende uyayenza icebo lokuthi akulungisise sithole ama passport.”
Umnumzana Lucky Ngwenya ngomunye obefuna ukuthatha ipassport ephuma ngokuphuthuma kodwa uyalelwe.
“Sesithwele nzima lapha,bengifuna ukuthatha i emergency passport kodwa bathi sithathe lawa awe $53,ukuthi ayaphuma ngawuphi umnyaka angikwazi.Sengithwele nzima khonapha, bengifuna ukugijimela kwele South Africa sengiswele ukuthi ngenzeni,kumbe ngithathe umalayitsha ngiyechapha uLimpopo kumbe ngizabanjwa ngama crocodiles angazi. Akulunganga ukuthi ngithwale nzima mina ngilemali yakhona.”
Unkosikazi Nikiwe Sithole isakhamuzi sakoBulawayo uveze ukudana okukhulu ngokuphuza ukuphuma kwama passport.
“Uhlupho lwamapassport solusikhathaze kakhulu ngoba ngesikhathi siwathatha ngomnyaka ophelileyo, mina eyami ngayithatha kungoAugust ngangingakayijahi kodwa khathesi sengiyijahile nxa uhamba khonangale bayabe bekutshela ukuthi uzabona ngemessage bengasicaceli ukuthi kuyini okuthatha indawo ngemuva ngale but khathesi sebesitshela ukuthi nxa uyifuna uyabuya uzobooker into eyabe ibhukwa kuyini ngoba vele yona ipassport yakhona isi overdue okuyikuthi into enhle yikuthi basitshele iqiniso ukuthi amapassport enu qalani lime kancane kukhona esisakulungisisa”
Unkosikazi Nobuhle Ncube ongumzali uveze ukudana okukhulu ngomumo okhona elizweni.
“Umfana wami ubele waiting pass ID yakhe ngithe ngisithi ahambe baye mtshintshela ngale koMsitheli bafika bamtshela ukuthi akula ink ukuthi baprintele iplastic ID osokuyikho asisakwazi ngoba khathesi izinto zeZimbabwe asisakwazi ukuthi yikuphi ngoba ngapha esikolo bayabe befuna iplastic ID angisakwazi ukuthi kwenziweni ”
Uzulu ukhala ngokuphuza kwamaPasiphothi ethi kubabisela emuva ezintweni ezinengi njalo abaphiwa impendulo eqondileyo ukuthi yindaba lokhu kuthatha isikhathi eside kangaka.
IStudio 7 izamile ukukhulumisana labehofisini ebona ngokubhaliswa kwemphahla labantu koRegistrar General kodwa balile ukukhuluma ngodaba lolu bethi lubucwayi kakhulu.