Indizamatshina ethwele izizalwane zeZimbabwe ezixotshwe kweleBhilitane kulandela isivumelwano esenziwa ngohulumende bamazwe womabili ikhangelelwe ukufika namuhla eHarare.
Udaba lolu beluhanjiswe emthethwandaba ngabafuna ukumisa ukuxotshwa kwabantu laba umahluli weBhilitane wanquma izolo ebusuku ukuthi ababuzisiswe yiziphathamandla zeZimbabwe eziseBhilitane akumelanga baxotshwe ngoba kungabafaka engozini ukuphindela ekhaya.
Abaxotshwayo ngabake badala amacala atshiyeneyo.
Bekumele bebengamatshumi amahlanu kodwa ngenxa yesinqumo somthethwandaba kucine kuxotshwa abangamatshumi amabili kuphela.
Umphathintambo wezobudlelwano lamanye amazwe, uMnu. Frederick Shava utshele umsakazo weZBC izolo ntambama ukuthi abantu laba abasoze bahlukunyezwe nguhulumende njalo bazavalelwa phandle komphakathi okwamalanaga angamatshumi amahlanu phansi kwemigoqo yokwenqabela ukumemetheka kwegcikwane le coronavirus.
Iesiphathamandla senye yenhlanganiso ebezizama ukumisa ukuxotshwa kwabantu laba, eye Restoration of Human Rights, uMnu. Panyika Karimanzira umsolile kakhulu uhulumende weleBhilithani ngokuthatha lelinyathelo.
Your browser doesn’t support HTML5
Ingxoxo loMnu Panyika Karimanzira