AbeZimbabwe baqhubeka bebalekela kweleBotswana ngobunengi besiya dinga indlela ezingcono zokuziphilisa lokunakekela imhuli zabo njengoba umumo wenotho elizweni labo lomdabu usudilikile kungela lathemba lokuthi ungalungiseka kusikhatshana esifitshane esilandelayo..
Kodwa sebethola iGaborone ingayisiyo Khenani abakade beyicabanga ngoba bezithola bexotshaniswa ngamapholisa njalo bethola iholo eliphansi kakhulu, uma belenhlanhla yokuyithola leyo misebenzi.
Umnunzana Tymon Moyo usesalijaha elisaqinile njalo lihambela phezulu. Usuke koBulawayo nyakenye elubhekise eGaborone kwele Botswana, ukuzodinga okungafaka ukudla etafuleni.
Kodwa akutholayo ayisikho ayekucabangela. iGaborone ekade eyizwa ibatshazwa ngabangane bakhe njengedolobho loluju lobisi ufumane ukuba ilakho ukukunika ameva. Uvuka ekuseni esiyalinda esitaladeni ukuze azibonakalise kulabo abadinga ukuncediswa ngemsetshenzanyana ezindlini.
Impilo inzima la, kwesinye isikhathi uyaswela umsebenzi kukanti ungaba lenhlanhla ukuwutholakuyakuthi sesifikile isikhathi sokuthi uthole iholo lakho umqatshi abe sekubizela amapholisa ekuceba ukuthi kawula maphepha.
Inengi lithi akula ngenye indlela abangayekela ukuvuka besiyadinga umsebenzi behamba imango emide ngoba umcabango wokubuyela ekhaya ungabuyi lenqondweni besithi kunika umuntu inqondo zoufuna ukuzipokucabanga ukuzibophela…Ukuphindela ekhaya lakho kunzima ngoba uyatshona usenzani ngoba kufuneka amarent leschool fees manje wena uyatshona uhlezi.
Umngane wakhe umnumzana Melusi Ndlovu uthi laye ukubuyela ekhaya kakukaze kuqume enqondweni yakhe noma nje eBotswana kulukhuni. Uthi noma nje kuye kungcono, usebone ngamehlo akhe ukuhlukunyezwa ezandleni zabeBotswana labomthetho…
Uyathi umele imali ubona ngamapholisa esozukuthatha wena ucabanga ukuthi umelele ukuhola.Omunye weZimbabwe, uThandanani Sibanda yena osanda kuthola umsebenzi ngemva kokudonsa ngefarisi okwesikhathi eside uthi labalezithupha zemfundo labo abalayinye indlela ngaphandle kokudinga imsetshenzanyana yokuziphilisa. Uthi kunzima ukuthola umsebenzi olesithunzi ngoba labeBotswana bekhala ngokusweleka kwayo.
Noma umuntu elesithupha uthola ethwele nzima njalo kuthatha isikhathi ukuthi aze athole umsebenzi yikho bephila ngama piece job.
AbeZimbabwe bathwele nzima ngoba bebhekane lokuhlekwa kanye lokukhangelelwa phansi ngabeBotswana, abanye abathi babantshotshela imsebenzi yabo.
UMpho Mathala oyisizalwane seGaborone uthi noma nje abeZimbabwe beluncedo, inani labo litsho ukuthi labo abaswela imsebenzi bacina bengena ekudaleni amacala…
Siyafisa ukubanceda kodwa inani labo liphezulu yikho becina behlukunyezwa ngamapholisa abona angathi bazelapha ukudala amacala.
Inyanga ezisanda kwedlula sezibone inani elinengi elivela eZimbabwe lisanda kulandela ukulahlekelwa kwenengi yimsebenzi lokoma kumumo womnotho.