Ekuqhubekeni kwengxabangxoza esebandla le ZANU PF, amalunga alelibandla alwa impi yenkululeko kanye labatsha batshengisele ngoLwesihlanu eMutare besekela ukuxotshwa kanye lokuphenywa kweziphathamandla zalelibandla ezibikwa zisekela uNkosikazi Joyce Mujuru, ongumsekeli kamongameli welizwe, obikwa wayezama ukugenqula umbuso kamongameli Mugabe.
Isiphathamandla salelibandla uMnu. Christopher Mutsvangwa osanda ukukhethwa ukukhokhela ugatsha lwabalwa impi yenkululeko yena ochothoze abangasafunwa libandla leZANU PF.
Abakade betshengisela laba babhoda-bhode idolobho leMutare behlabela behaya abanye babo.
Kusenjalo, amaphephandaba asekela uhulumende lamuhla aqhubekele phambili ngokuchothoza uNkosikazi Mujuru, kanye lezinye iziphathamandla zalelibandla elizweni jikelele ezibikwa zazincedisana laye ukuzama ukugenqula umbuso kaMnu. Mongameli Mugabe, ezigoqela uMnu. Nicholas Goche, yena obikwa egula njalo elaliswe esibhedlela.
USithandekile Mhlanga owe Studio Seven uxoxe loMnu. Morris Ngwenya, ingcwethi ecubungula ezombusazwe njalo elilunga lebandla leZANU PF, opha imibono yakhe ngaloludaba.
Your browser doesn’t support HTML5
Udaba lwengxabanxoza esebandleni leZanu PF