Inengi labakade kusehlakalo sokugejwa kwamathambo ababulawa yiGukurahundi bathi bafuna uMongameli Emmerson Mnangawa lowayengumongameli uRobert Mugabe bazoxolisa ngesiga lesi njalo bahlawule wonke umuntu ngocuku abalwenzayo lokuthumela ibutho le5th Brigade ukuzohlasela abantu makhaza becatshe ngokuthi badinga abahlamuki.
Inhlanganiso ezimeleyo ekumsebenzi wokulondoloza ilungelo likazulu eye 'Ukuthula Trust' bamanyane lezakhamizi zeTsholotsho emsebenzini wokugebha amathambo kamuyi uMnu. Justine Tshuma lomkakhe uNkosikazi Thembi Ngwenya Tshuma ababulawa ngomnyaka ka1983 libutho leviyo lebutho ele5th Brigade koSipepa kuGwayi Level line abaqgitshelwa yizakhamizi ngemva kwelanga elilodwa bebulewe.
UTshuma owayesebenza kunkampani eyeNational Foods ubikwa wadutshulwa wahle wafela khonapho kuthi unkosikazi wakhe waqunywa umphimbo ngemva kokuhlaba umkhosi ebona umkakhe esedutshulwe wafa.
UMnu Amos Ndlovu weNkwalini eTsholotsho omunye walabo ababanjwa ngamandla ukugqibela uTshuma loMaNgwenya wamukele ngenjabulo inyathelo lokungcwaba kutsha ababili laba.
"Uhlelo lolu luyangithokozisa ngoba ukuyabekwa kwezihlobo zethu ekhaya zisuswa egangeni kuhle lungahlalisa inhliziyo zethu phansi ningachelisa uma kungaphumelela kubebuhlungu kulabo esingazi ukuthi balele ngaphi."
UMnu Albert Mathe uchasisa ukubulawa kukaTshuma lekhosikazi lakhe.
“Lapha ngangihlezi ngekhaya eNkwalini sezwa kukhala umbhobho phetsheya kwesiporo amapholisa athi sizobabeka uTshuma wayetshaywe ngohlamvu umama waqunywa umphimpho sababeka masinya ngemva kwelanga befile egodini elingatshoniyo ngoba amapholisa babesigijimisa njalo sababeka beleradio ”
UMnu Enock Ngwenya oweMatopo eBhazha umnewabo kaMaNgwenya uthi okumwisa ubuhlungu kakhulu yikuthi udadewabo wabulawa ezithwele.
“Ngiyakhala ngoba udadewethu wabulawa ezithwele, baqala babulala umkakhe yena wakhala basebembulala. Ngiyakhala kakhulu ngifuna ukuyakuzwa edale labababulali besitsho ukuba bakwenzanjani ukubulala abantu abanahlomana njalo abangela cala labo."
Uqhubeke ethi ufisa ukuba umbulali avele kuyiwe emthethwandaba kuthoniswe onguye owadala icala.
“Ngiyakhala kakhulu ngifuna ukuyakuzwa edale labababulali besitsho ukuba bakwenzanjani ukubulala abantu abangahlomana njalo abangela cala labo."
UNkosazana Beauty Ngwenya udadewabo kamufi uthi okweminyaka edlula amatshumi amathathu bekhathazekile ubonga uhlelo lweUkuthula Trust
“Size ukuzobona lapho okulele uSisi wethu sibuhlunu kakhulu yinto eyenziwa yiGukurahundi iminyaka enu35 sihlukuluzekile ngibona iUkuthula Trust sesike sasebenza labo eSilozwi eMatopo lapho enabakhalela khona ngalokho esihlanane nakho lamhlaanje, Kodwa sibuhlunu kakhulu konke sikufaka emandleni kankulunkulu sijabulela ukubona udadewethu esiyabekwa lapho esfisa khona njengabako Ngwenya."
UMnu Amon Joseph Tshuma osuka eMlagisi village umnawakhe kaTshuma ucela uncedo lukahulumende lokusiza abantwana abasalayo.
“Abakade belapha nguJustine Nwenya loThembi Ngwenya. Ngibona uhlelo lweUkuthula Trust kuthi abantwana abasila ngombhuqazwe uhulumende ancedise lababantu ineni labo aliyanga esikolo."
UMnu Aleck Sibanda uSobhuku uMcetshwa uthi kuhle sebevunyelwe ukukhuluma ngombhuqazwe weGukurahundi. Ethi ngalesosikhathi wayengumbalisi abantu bahlukuluzwayo bakhangelele uMongameli Mnangagwa loMugabe ukuthi bazoxolisa.
“IGukurahundi yawona nxa uMnangawa kumbe uMugabe bengahlala phansi labantu baxolelane kodwa lokhu ngeke kuphele phakathi kwamaShona laMaNdebele ngoba kwasekungenele ibutho likahulumende lihlomile. UMnangawa ngalesosikhathi waphatheka ekubulaweni kwabantu."
UMnu Nicholas Ndlovu ohlela inhlelo zeUkuthula Trust uchaza uhlelo lwabo eTsholotsho. Ethi ngemva kokwemba amathambo bazawasa kungcitshi eziyizo ezizowahlola.
“Lamhlanje koSipepa silapha kulabantu ababili umama lobaba abafela kule indawo bedutshula namasotsha duze lendlela yesitimela babezogada isitimela behambe phose amakhilomitha angamatshumi amabili. Ngemva kokuphanda amathambo abo sizakuyacwayisisa ukuba nempela ngumuntu wabo sithi sesisiyabeka kustha."
URetired Justice Sello Masole Nare, umgcinisihlalo weNational Peace and Reconciliation Commission uthi udaba lokuhlawula abahlukuluzwa ngombhuqazwe weGukurahundi uhulumende kumele aluqakathekise.
“Uhlelo lokuhlawula abantu abahlukuluzwa ngumbhuqazwe wegukurahundi sesiqalile ukukhuluma nalo njalo ngizakuyakuphanyeka kuhulumende njalo sibona uhlelo lweUkuthula Trust ngoba lwenza umsebenzi omuhle."
UMfundisi uRabson Zikhali uthi njengebandla ezweni sebaqala uhlelo lokuzama ukuthoba amanxeba alabo abahlukuluzwa ngombhuqazwe weGukurahundi.
“Njengebandla silemibuthano sihlanana lezakhamizi nohlelo lokuthula njalo udaba lombhuqazwe lubaphambili nakho sesiyasibanxusele kunhlelo ezithoba abanxeba abo."
Uzulu wamukele ngenjabulo uhlelo lweUkuthula Trust lokugebha lokungcwatshwa kutsha kwezihlobo zabo bethi bakhangelele leNPRC ukuba izekhulumisana labo ngesiga sombhuqazwe weGukurahundi.
Amathambo emuli yakoTshuma athethwe asiwa kungcitshi zamathambo ukuyahlolisisa kahle ukuba ngempela kulobuhlobo lalabo abacela ukuba agwetshwe bazathi sebencwatshwa kutsha ngemva kophenyo.
Your browser doesn’t support HTML5
Udaba lokugejwa kwamathambo ababulawa ngeGukurahundi siluphiwa nguAnnahstacia Ndlovu