Owesifazana oyedwa zwi oveze isifiso sokuncintisa ukuba lilunga ledale lephalamende ebandleni ele Peoples Democratic Party (PDP), usenqobe kukhetho lwamaprimary ngemva kokuke athwaliswe nzima efuqwa ukuthi engameli ibandla lakhe ekhethweni.
Esigabeni se Pumula Constituency bebebabili abaveze isifiso sokukumela ibandla le PDP ekhethweni lokudinga ilunga ledale lephalamende, laba nguMnu. Albert Mhlanga kanye lo nkosikazi Sichelesile Mahlangu.
Unkosikazi Mahlangu nguye yedwa owesifazana oqunge isibindi sokuncintisa ekhethweni.
Umngcinisihlalo webandla lePDP ko Bulawayo uMnu. Michael Gora uthi uNkosikazi Mahlangu unqobe owake waba lilunga lephalamende uMhlanga.
UGora ugcizelele wathi ukhetho lolu beluvumela abalandeli bebandla lePDP ukuthi baphatheke ekhethweni.
“Kube lamaprimary elections lapho okuvote khona abantu abahlala ePumula. Imanagement Committee yethu yahlala phansi yavumelana ukuthi kubelama Primary Elections ngenxa yokuthi kwakulabantu ababili abafuna ukuncintisa ePumula,” kutsho uGora.
Omunye owesifazana obefuna ukuncintisa ukuba lilunga ledale lephalamende eBubi unkosikazi Abigail Mupambi uthi uthwaliswe amagabha avuzayo ngesikhathi sokhetho lwamaPrimary.
“Kunzima kakhulu ngibone iviolence but angifuni ukusola kakhulu amanye amastakeholders, ngiyananzelela ukuthi abantu engithanda ukubasola ngama organisation amela omama, angizange ngibone ngitsho leyodwa eMatabeleland North lapho ebengincintisa khona ngingumama oyedwa. Bafuna ukuthutsha sebethatha inani labomama abahlukunyeziweyo,” kutsho uMupambi.
Imizamo yokuxoxisana lonkosikazi Mahlangu yehlule ethi ibandla limxwayise ukuthi angakhulumi lentathelizindaba okwamanje.
Omama abanengi emabandleni ezombusazwe bakhala ngokuhlukuluzwa bevalelwa phandle.
Inani labomama abakhangelelwe ukuncintisa lilutshwana kakhulu nxa kuqathaniswa lalabo abancintisa kukhetho lomnyaka ka 2013 lalo elalivele liphansi nxa kukhangelwa iziqondiso zenhlanganiso yomanyano wamazwe awezansi yeAfrica eye SADC ethi kudingakala ukuba babe yisilinganiso sokungamatshumi amahlanu ekhulwini abakubiza ngokuthi yi 50/50.
Your browser doesn’t support HTML5
Udaba Silethulelwa nguBathabile Masuku