NKAYI —
Abesifazana beZimbabwe balokhu besabhekane lohlupho lokuthola impahla eqondileyo yokusebenzisa lapho besesikhathini, ngenxa yentengo yayo ephezulu.
Abakhangela amalungelo abesifazana bathi ukutholakala kwempahla yokusebenzisa owesifazana esesikhathini ehlanzekileyo njalo eneleyo lilungelo lawo wonke amantombazana lowesifazana elizweni.
Lanxa umumo sowabangcono kulalokhu okwakusenzakala ngeminyaka edlulileyo lapho impahla le yayingatholakali ezitolo, inengi labesifazana lilokhu libhekane lodubo lokungatholi limpahla ngenxa yentengo yayo ephezulu.
Iphakhethi elilodwa lalimpahla libiza amadola amabili, okuyimali enengi kumuli ezinengi ukuthi ziyikhiphele umntwana oyinkazana kumbe umama nyanga zonke ikakhlu emaphandleni lapho imuli eyabe iswela lona idola elilodwa nje lokuyagayisa.
Abesifazana beNkayi babikwa sebesungule imizamo yokwenza impahla le elakho ukusetshenziswa njalonje ukuze amantombazana enelise ukuya esikolo hatshi ukuhlala emakhaya lapho esesikhathini ngenxa yokwesaba ukuyangeka emphakathini.
Lanxa eleZimbabwe lilembali yokulima utshinda, inengi lalolutshinda luthengiselwa kwamanye amazwe lapho olulungiswa khona ukuba yimpahla yokusebenzisa owesifazana esesikhathini luphenduke ke elizweni solulentengo ephezulu.
Idale lephalamende lake laphatha kabanzi loludaba lokuswelakala kwempahla yabesifazana nxa besesikhathini amalunga edale lephalamende awesifazana afana loNkosikazi Priscilla Misihairambgwi-Mushonga balwisa kanzima ukuthi kuthathwe amanyathelo kodwa yaphinda yaphelela emoyeni kungabanga lesinqumo sokuthi lungaqedwa njani loluhlupho.
Abakhangela amalungelo abesifazana bathi ukutholakala kwempahla yokusebenzisa owesifazana esesikhathini ehlanzekileyo njalo eneleyo lilungelo lawo wonke amantombazana lowesifazana elizweni.
Lanxa umumo sowabangcono kulalokhu okwakusenzakala ngeminyaka edlulileyo lapho impahla le yayingatholakali ezitolo, inengi labesifazana lilokhu libhekane lodubo lokungatholi limpahla ngenxa yentengo yayo ephezulu.
Iphakhethi elilodwa lalimpahla libiza amadola amabili, okuyimali enengi kumuli ezinengi ukuthi ziyikhiphele umntwana oyinkazana kumbe umama nyanga zonke ikakhlu emaphandleni lapho imuli eyabe iswela lona idola elilodwa nje lokuyagayisa.
Abesifazana beNkayi babikwa sebesungule imizamo yokwenza impahla le elakho ukusetshenziswa njalonje ukuze amantombazana enelise ukuya esikolo hatshi ukuhlala emakhaya lapho esesikhathini ngenxa yokwesaba ukuyangeka emphakathini.
Lanxa eleZimbabwe lilembali yokulima utshinda, inengi lalolutshinda luthengiselwa kwamanye amazwe lapho olulungiswa khona ukuba yimpahla yokusebenzisa owesifazana esesikhathini luphenduke ke elizweni solulentengo ephezulu.
Idale lephalamende lake laphatha kabanzi loludaba lokuswelakala kwempahla yabesifazana nxa besesikhathini amalunga edale lephalamende awesifazana afana loNkosikazi Priscilla Misihairambgwi-Mushonga balwisa kanzima ukuthi kuthathwe amanyathelo kodwa yaphinda yaphelela emoyeni kungabanga lesinqumo sokuthi lungaqedwa njani loluhlupho.
Your browser doesn’t support HTML5
Udaba lukaNothando Sibanda lwempahla yabesifazana besesikhathini