Okwensuku ezimbili, kusukela mhlaka 18 kusiya ku19 Ncwabakazi 2021, izisebenzi zesibhedlela seMpilo, esikoBulawayo, beziqhuba uhlelo lokubuthanisa igazi ngoba zisithi iziphala sezehlile okwamagama ngenxa yokuthi iCovid-19 ibivimba ukuba abantu bahlangane.
Umnumzana Eventhough Siziba okhokhela inhlanganiso yabongi eyeZimbabwe Nurses Association esibhedlela seMpilo koBulawayo ukhuthaza uzulu ukuba ayekupha igazi esibhedlela se United Bulawayo Hospital ngoba sebefake indawo yokuba abantu baphe khona igazi nge sikhathi lesi seCovid-19.
“Sahlangana njengabantu abasebenza esibhedlela, sabona ukuthi kungcono sibambane ukuthi siyenze uhlelo lolu loku doneta igazi ngoba igazi lethu alisekho. Ezikolo lapho ebesijayele ukuthola igazi zivaliwe ngenxa ye lockdown.”
Uqhubeke echasisa ukuba uhlelo lwabo lolu luhambe njani.
“Uhlelo lolu luhambe kahle and abantu baphe i support enkulu. Sizahlala sikwenza, ngoba singahlala sisenza njalo asisoke siswele igazi. Siyakhuthaza ukuthi everyday umuntu nxa efuna uku doneta igazi engameleli i outreach, uyahamba eye doneta kuma sites ethu eUBH, so kasingami ukuze sincedise. ICovid ayisoze imise ezinye izinto, imikhuhlane eminye lokhe ikhona so kumele sibone ukuthi siyaphila Ku Covid situation”
Abasebenza kwezempilakahle, hatshi abako Bulawayo kuphela bakhala ngokuthi igazi elinengi abalitholayo eminyakeni belivela kubafundi bezikolo lasemakolishini, kungakho ngesikhathi izikolo zivaliwe imikhankaso yokupha igazi ibingenelisi ukuqhutshwa.