Icele leMDC elizibiza ngokuthi yi Renewal Team seligcizelele ukuthi imizamo yeMDC-T eyokuthi ikhuphe ephalamende amalunga ayo alitshumi lanhlanu kanye lamanye amathathu edale lesenate ayisoze iphumelele nxa umthethwandaba ungethulanga isinqumo sokuthi i-MDC-T eqotho yiphi.
I-MDC-T ithi izakhweza loludaba edale leConstitutional Court ngoba isithi isikhulumeli sedale lephalamende uMnu. Jacob Mudenda kanye lomkhokheli wedale leSenate uNkosikazi Edna Madzongwe abacubungulanga kuhle okumunyethwe kusisekelo sombuso esitsha beze belahlele khatshana isikhalazo seMDC-T ngeviki edluleyo.
UMnu. Kucaca Phulu, umgcinisihlalo weRenewal Team esigabeni sakoBulawayo njalo eyingcwethi ecubungula ezemithetho utshele uSithandekile Mhlanga weStudio 7 ukuthi lanxa okumunyethwe yisisekelo sombuso esitsha kungahlaziywa kutsha, akusoze kuncede nxa kungelasinqumo esikhomba ukuthi I-MDC-T eqotho yiphi.
Your browser doesn’t support HTML5
Ingxoxo LoMnu. Kucaca Phulu