Abenhlanganiso yabesilisa abalwela ukulinganiswa kwamathuba phakathi kwabesilisa labesifazana, eyePadare/Enkundleni babe lomhlangano wokukhuthaza amalunga edale le Palamende ukuba asekele ukuqiniswa kwemithetho evikela udlakela oluqondiswe kwabesifazane.
AbePadare benza linkuthazo ngesikhathi kulomkhankaso wamalanga alitshumi lasithupha wokukhuthaza ukwenqabelwa kodlakela oluqondiswe kwabesifazane emulini olwe 16 Days of Activism Against Gender-Based Violence.
Umnumzana Charles Moyo omela I Mpopoma Pelandaba edale lephalamende uthi kaluphele udlakela olunje.
“Angisoze ngisekele ubudlwangudlwangu lokuhlukuluzana ezindlini ngoba lami ngingubaba olabantwana abathathu so kungabuya I bill elikhangelane lalokhu e dale lami ngizolisekela sibili ngoba lonkulunkulu ethanda kunjalo.”
Umnumzana Regai Tsunga omela I mutasa south edale le phalamende uthi kumele loludaba luthuthukiswe sibili lakuzabelo elizweni abantu bahlalisane kakuhle.
“Khathesi sesimele sibone ukuthi abantu abesifazane ngabantu abaqakathekileyo empilweni zethu, emhulini zethu laku zabelo esizela khona ngoba belomsebenzi omkhulu wokuthuthukisa imhuli lezigaba le lizwe.”
Uqhubeke ethi esigabeni sakhe basebenzela ndawonye lenhlanganiso ezithile eziphatha lumsebenzi kunye labesifazane ngenhloso yokuthi ulwazi lusabalale ethi kuqakathekile ukuba kuphunywe lemithetho iqinileyo yokusekela limizamo.
"Sikhona sibili ukuthi sincedise ukuthi kube lemithetho enjalo siyi fast tracke, ingavela ibekhona sibe leqiniso lokuthi uhulumende laye abambeke ukuthi iyephambili iphathise abesifazane ngokuzwayo.”
Inhlanganiso ye Padare Enkundleni Men's Forum ibunjwa ngobaba abangasekeli ukuhlukunyezwa kwabesifazana bezimisele ukufundisana labanye obaba ukuba betshiye umkhuba onje. Bathi umumo wezomnotho uhlukuluza obaba abalahlekelwa yimisebenzi becine bezibona bengasela sithunzi ngoba sebegcinwa ngomkabo abayabe bethengisa emikambo abanye babo becina sebehlukuluza omama njengendlela yokutshengisa amandla abo.
Isisekelo sombuso siqinisa ukulondolozwa kwamalungelo abesesifazane enhlangothini ezehlukeneyo zempilo okugoqela ukuvikelwa ukuba bengahlukunyezwa, ukudlwengulwa loba ukuncindezelwa lokubandlululwa ngendlela ezehlukeneyo.
Abanengi lokhu bekhala ngokuthi laloba imithetho ikhona yokuvikela ilungelo labesifazane udubo yikuthi ayikalungisiswa ukuba ihambelane lesisekelo sombuso.
Your browser doesn’t support HTML5
Udaba lwabeqembu lePadare/Enkundleni siluphiwa nguMark P. Nthambe