Abenhlangothi ezitshiyeneyo zempilo abagoqela abazali abakahulumende labenhlanganiso ezitshiyeneyo, bahlangane namhlanje ngenjongo yokwabelana amacebo wokuthi balwise udubo lomonakalo odalwa yimicimbi yabasakhulayo abayibiza ngokuthi ngamaVuzu Parties, esidumile edolobheni lakoBulawayo.
Umhlangano lo uqoqwe yinhlanganiso yezakhamizi eyeBulawayo Progressive Residents Association, imanyene labeBetterman Foundation, Bulawayo City Council kanye logatsha lukaHulumende olwe Youth, Art and Recreation.
Umhlangano wokuxoxisana phezu kwemicimbi yamaVuzu parties
Abantu babuthane eLarge City Hall bebonisana kanye lokunikana amacebo okuthi bangenza njani ukuthi bavikele intsha ukuthi ingatshaphazi impilo ngokunatha utshwala izidakamizwa kanye lokuya emacinsini bebanengi emicimbini abayibiza ngokuthi ngamaVUZU Parties.
AmaVUZU yimicimbi eyenziwa ngabasakhulayo nxa izikolo zivalwa lalapho sezizavulwa.
Unkosikazi Sinqobile Ndlovu Demadema owenhlanganiso yeJunior Chamber International koBulawayo uthi kunengi osekhulunywe ngodaba lwemicimbi le.
“Besikhangelele ukuthi sekulezinto ezinengi esezikhulunyiwe ngenda leyi eyama Vuzu there has been a lot of stakeholder meeting kuzekwaba leMai Chisamba show, lapha sifuna ukuthi amastakeholders wonke abuyelapha endlale ibaseline uye research esizayenza kuresearch leyi sikhangelele ukuthi sibekwazi ukuthi kuyini okwenza amayouth ahambe kumaVuzu parties.”
Unkosikazi Patricia Tshabalala umsekeli kamgcinisihlalo we BUPRA uthi bakhangelele ukuthi baguqule impilo yabantwana njengabazali kungumlandu wabo.
“Besikhangelele ukuthi siguqhule impilo yabantwabethu ngoba iphakathi kobunzima kodwa iphakathi kobunzima abantwana ayisibo abalomlandu kakhulu abalomlandu kakhulu yithi abantu abadala yithi esithengisela abantwana amadrugs wonalawo akhulunywayo yithi esilezindlu ezisetshenziswayo ukwenzela amaVuzu party .Uhlupho lwethu esilalo yikuthi sithanda imali kakhulu asibekezeleli indleala yokwenza imali ngendlela eqondileyo yithi abadala esingenzikuhle ngoba asizange sibeleqiniso ebantwaneni bethu”
Unkosikazi Tshabalala uqhubeke wathi amapholisa lawo akancedi lutho ngoba efumbathiswa lapho kuthe kwadingakala ukuthi abophe abaqoqa limicimbi.
"Umthetho awukho amapholisa agangile acorrupt ayathengwa ngezimali bayabotshwa abantwana omama badize ukhangele uyangeke uhawule wena usithi uyabanjwa baphiwe ukudla badle amapholisa awenzikahle ngoba yibo esibathembileyo ukuthi abangavala abanga controller konke lokhu ngoba yibo ababambe umthetho abazali abatshintshe bame ngeqiniso.”
Umbalisi obekulumhlangano umnunzana Mlungisi Ncube uthi sekunzima ukuthi labo benze umsebenzi wabo ngomthetho osukhona.
“Siyazama ukubafundisa but ichallenge esikhona yikuthi umthetho kawusavumi ukuthi senze kuhle umsebenzi ngoba asisavunyelwa ukutshaya, ungazama ukukhuluma lomntwana umkhuza the next thing uyakureporter emapholiseni ukuthi sengitshayiwe sengithethisiwa. Abazali abasengabazali bakudala ukuthi sebenakekela abantwana, ukuthi umtwana engaze abeleproblem efuna ukuthi kukhulunyiswane but ababuyi, asisakwanisi ukuthi sikhulumisane sibonisane ukuthi abantwana singabenza njani yikho abantwana sebesilahlekele njengamatitsha singazi ukuthi bona lokhe belabor.”
Izakhamizi zakoBulawayo ziveze ukukhathazeka kakhulu ngalokhu okwenziwa yintsha ukuthi bazidlalisela ikusasa yabo eqhakazileyo ngokusebenzisa izidaka mizwa kanye lokuya emacancini bebancinyane ukuthi basengozini yokubanjwa yimikhuhlane eminengi. Bakhalaze kakhulu ngokuthi umthetho kumele udlale indima yawo ngokuqondileyo ukuze basindise impilo yentsha.
Your browser doesn’t support HTML5
Udaba lwemicimbi yamaVuzu Parties siluphiwa nguBathabile Masuku