Abamankampani ezemigodi babikwa lokhe besalela muva kulokho obekukhangelelwe yizabelo ekuthuthukiseni inhlala kahle kazulu ohlala endaweni ezitshiyeneyo lapho abasebenzela khona ukuze kuhambelane lenzuzo abayitholayo kulezo ndawo.
Unobhala jikelele wenhlanganiso yeNational Mine Workers Union of Zimbabwe umnumzana Sylvester Mushaike uthi amankampani amanengi ezemigodhi ikakhulu ezabelweni zaseMandebeleni lakwezinye indawo eZimbabwe abuyisela izisebenzi zawo ezindlini esithi umsebenzi uphansi etshiya ezingatsho lutho zisebenza:
Unduna Gerald Mudzengi weChirumhanzu uthi ulenkinga ngendlela amankampani la asebenza ngayo ngoba kukhanya ebuya ezosebenza ngendlela azikhethela yona kungela nzunzo ezwayo efika ku zulu:
Uthi sokudingakala ukuba uhulumende engenele ekhuthaze amankampani la ukuba esebenzelane lezabelo kugoqela lezinduna ngendlela engathuthukisa izabelo. Ethi sikhuluma kanje umango wako Chirumhanzu uhlaselwe yindlala emangalisayo engacina idala ubudlwangudlwangu lobugebenga abantu bangaphuza ukuthola usizo.
U Mushaike uthi abe migodi bakhanya sebekhetha ukuvika ngokusilela kwemali kodwa bona bequbekela phambili besebenza njalo besenelisa isilinganiso sokwenjiwayo abasifunayo.
Uqubekela phambili ethi kukhanya inhloso ingeyokuthi amabhizimusi la engagumuli izisebenzi ngoba lokhu kulendleko enkulu.
Inhlanganiso ye Chamber of Mines ibikwa isithi amabhizimusi anje amanengi se gumule izisebenzi ezedlula inkulungwane kusikhatshana esisanda kwedlula njalo elakho ukucina esehlisa iholo kancane ngoba ebhekana lobunzima obubangelwa yikwehla kwentengo yezenjiwayo emhlabeni jikelele kunye lokudula kwemitshina yokwemba lamandla ka getsi.
Uhulumende uleziqondiso eze share ownership scheme ezikhuthaza amankampani la, ukuba enikeze inxenye yokulitshumi ekhulwini kunzuzo yabo yonke kuzulu okuzabelo abasebenzela kizo. Kodwa inengi lemigodhi le lokhe ingakafinyeleli ukubhadala lezo mali abazithembisayo.
Your browser doesn’t support HTML5
Udaba lwabezemigodi siluphiwa nguMark Peter Nthambe