Amabandla aphikisayo athi avumelama lophenyo olwethulwe yinhlanganiso yeTransparency International oluveza ukuthi eleZimbabwe liqhubeka lingelinye lamazwe alenkohlakalo enengi, i-corruption, emhlabeni jikelele.
Uphenyo lwe2023 Transparency International Corruption Index lolu luveza ukuthi iZimbabwe yiyo ekhokhelayo ngekhohlakalo emhlubulweni wezansi yezwekazi leAfrica.
EleZimbabwe lithole imiklomela engamatshumi amabili lane, 24 points kuphela phakathi kwemiklomelo elikhulu, 100, okutsho ukuthi ngempela imisebenzi yenkohlakalo ibhahile kulelilizwe.
Nyakenye umsakazo weAl Jazeera wethule ifilimu eveza sobala imisebenzi yenkohlakalo enziwa ngezinye iziphathamandla zikahulumende ekwebiweni kwegolide leZimbabwe lisiyathengiswa kwamanye amazwe.
Ilunga leCCC uMnu Swithern Chiroodza utshele iStudio 7 ukuthi ngempela inkohlakalo ibhahile eZimbabwe, okuyinto athi ibangelwa yiziphathamandla zeZanu PF.
Your browser doesn’t support HTML5
Ingxoxo loMnu Swithern Chiroodza
Kodwa ilunga leZanu PF uMnu Malaki Nkomo uwaphikile amazwi kaChiroodza esithi uhulumende wenza konke okusemandleni akhe ukulwisana lenkohlakalo.
Your browser doesn’t support HTML5
Ingxoxo loMnu Malaki Nkomo
Ekhuluma emkhosini wokwethula uphenyo lweTransparenci International eHarare, umtshutshisi omkhulu kahulumende uJustice Matanda Moyo ukhuthaze uzulu weZimbabwe ukuthi abambane ekulwisaneni lemisebenzi yokungethembeki.