Abaphila ngokuzisebenza bathi lanxa besamukela inyathelo likahulumende lokuyekethisa imigoqo yeCovid-19 ngokuvumela imidlalo efana leyenguqu lokuvula amakhefa, bafuna kuvulwe imingcele yelizwe ukuze benelise ukuphuma bayethenga impahla zokuthengisa.
Uhulumende uyekethise iziqondiso lezi ngoLwesibili kodwa ulaye abamakhefa ikakhulu ukuthi kumele bevumele isilinganiso sabantu abangamatshumi amahlanu ekhulwini, 50 percent ukuthi badlele phakathi kuphela.
Uthe amakhefa azakwephula lowo mlayo azavalwa. Uzulu ophila ngokuphanda kweleSouth Africa laye uthi sokumele ivulwe imingcele ikakhulu oweBeitbridge.
Isiphathamandla senhlanganiso yabaphila ngokuzisebenza iBulawayo Vendors and Traders Association uMnu Michael Mdlala Ndiweni uthi manengi amalunga enhlanganiso yabo amelele ukuvulwa kwemingcele ukuze ayethenga impahla phandle.
Your browser doesn’t support HTML5
Ingxoxo loMnu Michael Mdladla Ndiweni