Inengi labazali lithi lamukela ngazo zombili isinqumo sikahulumende esokuthi abantwana besikolo bephiwe impumela yemihloliso yabo lanxa bengabhadalanga ama school fees, besekumangalelwa abazali ngoba kuyibo abalesivumelwano lezikolo.
Lokhu kuza ngemva kokuba ezinye izikolo zibikwa zisenqaba ukunikeza impumela yemihloliso esanda ukuphuma, eyezinga le “O” Level abangabhadalanga, okungabangela ukuthi labo abafuna ukuqhubeka ngezifundo zabo baye ku “A” Level bengatholi indaw.
Umphathintambo wogatsha lwezemfundo uMnu. Cain Mathema ubikwa esithi abaphathi bezikolo abazatholakala bekwenza lokhu bazajeziswa njalo izikolo ezizimeleyo zingathathelwa imvumo yokuqhubeka zisebenza.
Ukuhlaziya loludaba, sixoxa loNkosikazi Patricia Tshabalala, umsekeli kamgcinisihlalo wenhlanganiso ye Bulawayo Progressive Association, yena othi ngabe bonke abazali abangenelisi ukubhadala bayathola usizo kuhulumende kulokuthi bemangalelwe.
Your browser doesn’t support HTML5
Ingxoxo loNkosikazi Patricia Tshabalala