Abaxotshiswa Kumakhansili NguSengezo Tshabangu Bakhangelelwe Ukuba Bazabe Besedale leHigh Court NgoMvulo

WASHINGTON — 

Abaxotshiswa nguMnu. Sengezo Tshabangu kumakhansili bakhangelelwe ukuya emthethwandaba weHigh Court ngoMvulo lapho abaphanyeka udaba lokuxotshwa kwabo lokumayelana lokhetho lwama byelections oluzaqhutshwa ngoNhlolanja.

Igwetha lika Tshabangu, uMnu. Nqobani Sithole, uthi banengi abaxotshiswa nguTshabangu abathi wenza lokhu okungekho emthethweni.

UTshabangu othi ungunobhala jikelele webandla leCitizens Coalition for Change waxotshiswa amalunga eCCC kudale lephalamende lakumakhansili esithi bangena ngudlu. ICC ekhokhelwa nguMnu. Nelson Chamisa ithi uTshabangu kalasikhundla kubandla leli.

Kasenelisanga ukuxoxa ngodaba lolu loMnu. Gift Ostallos Siziba labanye bakhe abalakho ukuvinjwa nguTshabangu.

USithole uthi sebephanyeke emthethwandaba udaba lokuzama ukuvimba uMnu. Ostalos Siziba labanye ukuze bengeni kukhetho oluzayo.

SEE ALSO:

Ingxoxo Esiyenze LoMnu. Nqobani Sithole

Sixoxe loMnu. Pashor Sibanda owayemele iCowdray Park edale lephalamende, owavinjwa nguTshabangu ukuba angene kukhetho olwaqhutshwa ngoMpalakazi ngomnyaka ophelileyo, othi uzulu uthathelwa amalungelo okukhetha abantu ngendlela ephansi.

SEE ALSO:

Ingxoxo Esiyenze loMnu. Pashor Sibanda

EleZimbabwe laqhuba ukhetho ngoNcwabakazi nyakenye olulempumela eyaphikiswa libandla leCCC elathi lwebiwa libandla leZanu PF elikhokhelwa nguMongameli Emmerson Mnangagwa.

Kulandela ukhetho lolu, uTshabangu waxotshisa amalunga edale lephalamende kanye lamakhansila ababemele izigaba ezitshiyeneyo.