Abatshayeli bezimota ezinkulu abathwala impahla besuke eZimbabwe lakwele South Africa besiya eMozambique bathi sebengena nzima elizweni leli ngenxa yabaphikisayo abatshengisela kulelolizwe besola impumala yokhetho olusanda kuqhutshwa kweleMozambique.
Abatshayeli abakhulume leStudio 7 abalezimota ezithwala okwenjiwayo okugoqela iLithium, Uranium lokunye bathi bethuselwa ngabaphikisayo abathi bazatshisa izimota zabo njalo bebalimaze bengaqhubeka bedula elizweni leli besiya elwandle okuthwalwa impahla ehanjiswa kwamanye amazwe.
Esinye isiphathamandla seZimbabwe esikweleMozambique esicele ukungabethwa ngegama sithe kulobunzima obukhulu kubatshayeli abathwala impahla besuka kwamanye amazwe ngenxa yokutshengisela kwabaphikisayo.
Sithi zingena kancane kancane izimota elizweni lele ezithwala impahla enengi ehanjiswa kwamanye amazwe. Okubandla eliphikisayo uMnu. Venancio Mondlale uthi waqilibezela uMnu. Daniel Chapo weFrelimo owanqoba kukhetho lukamongameli.
Ukuze sihlaziye udaba lolu, sixoxe lomtshayeli uMnu. Nicholas Gonzo osebenzela kweleSouth Africa.
SEE ALSO:
Ingxoxo Esiyenze loMnu. Nicholas Gonzo