Ugwalo olwethulwe ngabaqhuba ucwaningo abe-Afrobarometer luveza ukuba abatsha abasemazweni atshiyeneyo kuzwekazi leAfrica kabasukuthiseki ngokwenziwa ngabohulumende balamazwe.
Bathi kungcono ibutho lingenele kuphela uma kulohulumende kantandokayiphikiswa. Kodwa abadala kabakufuni lokhu.
Ucwaningo lolu olwenziwe okwesikhathi eside okubuzwe khona abantu abedlula inkulungwane ezingamatshumi amahlanu – 54,000 luveza njalo ukuba abatsha baqakathekisa ukuba bethole imisebenzi okwedlula ezombusazwe.
Luveze njalo ukuba abatsha kabethembi ukuthi ohulumende bengalungisa inhlupho zabo ezigoqela ukuswelakala kwemisebenzi.
Ucwaningo lolu lwethulelwe uzulu ngesikhathi eleZimbabwe linanza usuku lweDefence Forces Day kulabanengi abathi ibutho lingenela kakhulu kwezombusazwe elizweni leli.
UMnu. Nhlanhla Moses Ncube, olandela ezombusazwe njalo engunobhala jikelele weFreedom Alliance uthi kuliqiniso okubikwa yiAfrobarometer.
SEE ALSO: Ingxoxo loMnu Nhlanhla Moses Ncube.