Amagqwetha amela amalunga enhlanganiso yeMthwakazi Joint Resolution kanye lezakhamizi zeMakuzeze ePlumtree abetheswa icala lokutshengisela esikolo esikulindawo athi aphakathi kokulungisa ingwalo zokusa loludaba emthethwandaba we Constitutional Court ngemva kokuphiwa imvumo ngumthethwandaba kamantshi ngeviki edluleyo.
Abetheswa icala laba babikwa bazama ukuxotsha ababalisi abakhuluma ulimi lwesiShona ngoba besithi bayehluleka ukufundisa abantwana inengi labo elikhuluma isiKhalanga kulumango njalo babengathembeki ekusebenziseni imali yesikolo.
Abatheswa icala laba bagoqela oMnumzana Mqondisi Moyo , Busani, Sibindi Thandolwenkosi Dube, Simanje Sibanda, Lieoto Dube, Ntokozo Denge, lo Temba Mvundla.
Igwetha elibamelayo uMnu. Dumisani Dube utshele uSithandekile Mhlanga weStudio 7 ukuthi kusobala ukuthi babelelungelo lokutshengisela njengalokhu okulotshwe kusisekelo sombuso esitsha selizwe, yikho sebesiya edale leConCourt.
Your browser doesn’t support HTML5
Ingxoxo LoMnu. Dumisani Dube