Abatsha abakubandla leZanu PF bathi kumele uMongameli Emmerson Mnangagwa aqhubele esembusweni loba isikhathi sakhe singafika ngomnyaka ka2028 ukuba asuke esikhundleni njangalokhu okulotshwe kusisekelo sombuso welizwe.
Kodwa uMnangagwa wethule umbiko enkundleni yokuxhumana eyeX esithi kasoze ahlale esikhundleni njengalokhu okufiswa ngabatsha labanye abakubandla leZanu PF.
Abatsha laba abavela ezabelweni zonke bathe gwaqa namuhla eHarare lapho abathethe isinqumo esokuthi uMnangagwa kumele ahlale esikhundleni. Bethule ugwalo olujulileyo besithi bakubona kufanele ukuthi ehlale esikhundleni lesi ukuze aqhube kahle inhlelo zakhe zonke.
Isikhulumeli sebandla leZanu PF, uMnu. Farai Mharapira, uthi kuyazwakala okukhulunywa ngabatsha kodwa kumele kulandelwe izifiso zika Mnanganga njalo lesisekelo sombuso welizwe.
Lokhu kusekelwa nguMnu. Sydney Sekeramayi, okudale leZanu PF Council of Elders.
Umhleli wezindaba zeNewsHawks, uMnu. Dumisani Muleya, uthi abatsha laba bathunywe nguMnangagwa.
UMuleya uthi uMnu. Constantino Chiwenga, umsekeli kaMnangagwa, obotshwe imbila zikakonde kudaba lolu.
UMnu. Nhlanhla Moses Ncube okunhlanganiso yeFreedom Alliance ulombono ofanayo.
Kulabanye abathi ibandla leZanu PF selidabuke phakathi ngenxa yokwenziwa nguMnangagwa ofuna ukuhlala esikhundleni loba etshela uzulu ukuba usefuna ukususa embusweni.