Abasakhulayo be Zanu PF, bathi abala cele abalisekelayo kundaba zokulwisana kwamaqembu ebandleni leli, bengazingeni ezokungezwani lokudonselana okukhona, bethi ngoba munye kuphela abamlandelayo, unobhala wakuqala ebandleni, engumongameli Robert Mugabe.
Lokhu kuvezwe ngunobhala wohlangothi lwabontanga lolu, umnumzana Pupurai Togarepi, emhlanganweni lentathelizindaba owenzelwe esigodlweni seZanu PF, wokwazisa ukuba asekusimo bani amalungiselelo edili lokunanza usuku lokuzalwa likamongameli Mugabe, elizakwenzelwa eGreat Zimbabwe, eMasvingo.
Umkhokheli wohlangothi lwabasakhulayo umnumzana Pupurai Togarepi emhlanganweni lentathelizindaba eHarare
"Lizonanzelela ukuba kunengi okukhulunywayo,abantu bengeniswa kumaqembu,ngizathanda ukukubeka kucace lamuhla,ukuba njengohlangothi lwabontanga,kasila qembu esikilo njalo esililandelayo.Lesi yisinqumo esithethwe ngabohlangothi lwabontanga,kasilandeli qembu.Kasisoke savuma ukuba kube lelunga lohlangothi lwabontanga,inhlanganiso eziyingxenye yebandla,ukuzenza abamela uhlangothi lwabontanga besiba ngamalunga alamaqembu.Lesi sinqumo sithethwe ngokwelulekwa okukhulu,ngemva kokubonisana lenkokheli yebandla".
Ibikhona inkokheli yaloluhlangothi,okubalisa obona ngezokwethulwa kwemibiko, unkosazana Evelyne Mpofu ogcizelele okutshiwo nguTogarepi.
"Thina singama youths eZanu Pf, singaphansi kweleadership kababa uMugabe,njalo into zama factions lezi asikho kizo. Thina sisapota uhulumende obuswa ngubaba uMugabe,sile one centre of power,yiyo i leadership esiyi sapotayo,eyiyo eyakhethwa ngubaba uMugabe. Sithakazelela ukuba u shef wethu laye uPupurayi Togarepi,wa appointwa ngubaba uMugabe,embonile ukuthi ulezinto angazenza,embonile ukuthi ule view yokuthi angasithungamela njenge youth league".
Wasola indlela ezinye zentathelizindaba eziloba ngayo, umaMpofu ethi kungabajabulisi ukube lokhu zilulaza inkokheli yebandla lohulumende.
"Njalo okunye obekuqakathekile kakhulu,yindaba ye media,ukuxwayisa kakhulu thina abatsha,ukutshi singafitshi kumedia.Wonke umuntu ohamba,odlula kumedia,kumele adlule through u secretary for information and publicity,sibe kwazi ukuthi kuyini okwenzakalayo. Angakhulumeli i-youth league, bona bengazange bakhulume, into engazange ikhulunywe. Ukuthi i media ibe kwazi i stance se youth simi ngaphi okwakhathezi.Thina we can't fight ama war veterans, and we will not fight them.Thina singabantwana bamawar veterans,thina ukuze sibe lapha sibuse,yiwo ama war veterans,so there is no way lapho singalwa lawo khona".
Abasakhulayo bebandla leZANU PF bathi abakungeni ukubangisana okwenzakala ebandleni leli njalo kabathathi cele
Loluhlangothi lwabontanga, yilo eliqoqa idili lokuthakazelela usuku lokuzalwa kuka Mugabe. Inkokheli yalo ilandule imibiko ethi ubanjwa ngamandla uzulu weMasvingo, ukuhlawula imali ezasetshenziswaku lumcimbi wokunanza ukufikisa kwakhe iminyaka engamatshumi ayisitshiyagalolunye lambili-92.
Your browser doesn’t support HTML5
Udaba lwabasakhulayo beZanu PF abathi kabasekeli cele kungxabanxoza ekulelo bandla