Abanye abasakhulayo beZimbabwe sebesungule inhlelo ezitshiyeneyo zokulimukisa uzulu ngokuzivikela ukuthelelwa umkhuhlane weCoronavirus, bebambisana lohulumende, owethule iziqondiso zokwalela abantu ukuhamba hamba, behlale ezindlini okwamaviki amathathu, olweLockdown.
Inhlanganiso yabasakhulayo eyePlatform For Youth Development ngeyinye yalezo esezisungule olwayo uhlelo olujonge ukufundisa uzulu weManicaland ngomkhuhlane lo, besebenzisa inkundla zokuxhumana, zebulenjini ezinjenge Whatsapp.
“Besizama ukuthi si- spreade imessage le sisebenzisa iWhatsApp lokusebenzisa iFacebook leTwitter handle yethu lakanye lokusenda ama messages ukwenzala ukuthi wonke umuntu ethole imilayezelo wona lawa. Silokhe sibatshela futhi ukuthi kumele begeze izandla and besibafundisa futhi kumele begeze izandla ngeziphi indlela,” kutsho uMlambo.
Ekhuluma ngokuhlonitshwa komthetho kahulumende omayelana ngokuvimba umkhuhlane lo, uMlambo uthe abantu balaso isifiso sokuhlonipha lumthetho, kodwa udaba lokusilela kwamanzi kanye lempumphu kwenza ukuthi lokhu kube nzima ngenxa yokuthi abantu babanjwa ngamandla ukuphuma besiyothenga impuphu lokunye ukudla.
“Uhulumende akancedisi abaphila eManicaland kudaba lokuswelakala kwamanzi, ubunzima lokhe bukhona. Imphuphu singathu uhulumende ubezama uku provider impuphu, but indaba ekhona yikuthi impuphu yakhona ayikwani inani labantu.”
Your browser doesn’t support HTML5
Ingxoxo Esiyenze Lo Sally Mlambo