Abaphila ngokuthengisa ezitaladeni koBulawayo batshengisele ngoLwesihlanu, besola inyathelo likahulumende lokuthi kusukela ngoMgqibelo, bengalugxoi ezitaladeni zedolobho leli.
Kuthi ngale ngasedolobheni leHarare umkhokheli wenhlanganiso yeNational Vendors Union Zimbabwe uMnu. Samuel Wadzayi uthe yena bona kabasoze basuke ezitaladeni kumbe lapho abasebenzela khona uhulumende aze abanike indawo yokusebenzela.
Umphathintambo wentuthuko yezabelo uMnu. Ignatius Chombo utshele intathelizindaba ngenyanga edluleyo ukuthi abazakwalela endaweni abakizo okwamanje bazathunyelwa amapholisa kunye labakubutho ukuthi babaxotshe ngodlame.
UChris Gande weStudio Seven uxoxe loNkosazana Magodonga Mahlangu isiphathamandla senhlanganiso ye WOZA eyiyo ekhokhele ukutshengisela kwanamhla koBulawayo.
Your browser doesn’t support HTML5
Ingxoxo loNkasazana Magodonga Mahlangu owe Woza ngodaba lwabaphila ngokuthengisa
Kunjalo nje, Umayor wedolobho lakoBulawayo uKhansila Martin Moyo utshele uSithandekile Mhlanga weStudio 7, ukuthi ikhansili yakhe isicele ukuthi uhulumende engezelele amalanga awokuthi ilungiselele abathengisa ezitaladini ngokungekho emthethweni indawo ezintsha zokusebenzela, ngoba kungathatha isikhathi eside.
Your browser doesn’t support HTML5
Ingxoxo loKhansila Martin Moyo uMayor wakoBulawayo